Пётр Пятровіч нарадзіўся ў вёсцы Шыці Шаркаўшчынскага раёна, але ўсё жыццё пражыў далёка ад радзімы – у Петразаводску. На жаль, яго з намі ўжо няма, але засталіся творы, якія нікога не пакідаюць абыякавымі і светлая памяць аб гэтым надзвычай таленавітым і адораным чалавеку.
Завітайце, калі ласка, на выставу і вы пазнаёміцеся з карцінамі і вершамі, якія Пётр Пятровіч прысвяціў сваёй роднай старонцы. Яны ў фарбах аднаўляюць непаўторную прыгажосць мясцін, дзе прайшло яго дзяцінства і юнацтва, кранаюць сваім лірызмам, глыбінёй і супакоем. Праз колеравую насычанасць мастак стварыў запамінальныя, чароўныя вобразы рэчкі Янкі, бацькоўскай хаты, вёсачкі Зябліны.
Паважаныя наведвальнікі, пазнаёміўшыся з выставай вы зможаце не толькі скласці ўласнае меркаванне аб творах Касцюкевіча Пятра Пятровіча, але таксама адчуць шматгранную гаму пачуццяў ад замілавання да роздуму аб мінулым, сучасным і будучым.
Присоединяйтесь к ОК, чтобы подписаться на группу и комментировать публикации.
Нет комментариев