Արթուր Գառնիկի Գևորգյան Ծնվել է 1997թվ.քաղաք` Աբովյանում։Դպրոցն ավարտելուց հետո հայրիկի հետ մեկնել է ՌԴ աշխատելու նպատակով։2015թվ.վերադարձել է ծառայության նպատակով, զորակոչվել Հայոց Բանակ ծառայության անցնելով ԼՂՀ`Ջեբրաիլում որպես ավագ-գնդացրորդ։Ծառայությունից երբեք չի դժգոհել,ինքնակամ ու մեծ ուրախությամբ է մեկնել։ Կյանքով լեցուն,ապրելու ու ստեղծելու մեծ ձգտում, հումորի մեծ զգացումով, կենսախինդ,անսահման բարի ու հոգատար, բոլորի նկատմամբ սիրով լցված, աշխատասեր ու շատ տաղանդավոր։Արթուրը նկարչությամբ է զբաղվել, շատ է սիրել նկարել, երգել ու արվեստով զբաղվել։ Արթուրը շարունակեց իր անվանակից քեռու կիսատ թողած գործն ու պաշտպանեց Արցախ աշխարհը։ 2016թվ. ապրիլ... Ապրիլի 1-ին Արթուրը դիրք բարձրացավ ինչպես միշտ հսկելու բոլորիս անդորրը,բայց պատերազմը մոտ էր.. Արթուրը մարտնչեց ու ընկավ քաջի մահով , կռիվ տալով և ոչ մի քայլ հետ չգնալով։ Մինչև վերջին շունչը Հայրենիքի համար ու Հայի համար նա կանգնեց ու չկոտրվեց։Ապրիլի 2-ին Արթուրը անհավասար մարտում քաջաբար ընկնում է։Մարտի ընթացքում օգնել է վիրավոր մարտական ընկերներին ու նրանց օգնության հասել։ Բարձրունքում մարտնչած տասնյակ Հայ Զինծառայողների մարմինները օրեր անց «Կարմիր խաչի» միջամտությամբ վերադարձվեցին հայկական կողմին։ Մերօրյա Հերոսը հետմահու պարգևատրվել է` ՀՀ Նախագահի կողմից «Արիության համար» և ԼՂՀ Նախագահի կողմից «Մարտական ծառայություն» մեդալներով։ Հերոսի հիշատակին նվիրված հարազատ դպրոցում դասասենյանկ է բացվել և բակում ցայտաղբյուր կանգնեցվել ի պատասխան Հերոսի սխրանքի։ Հիշե'նք ու ճանաչենք նրանց, ում պարտական ենք կյանքով, ովքեր գիտակցված նետվեցին մարտի ու պայքարեցին մինչև վերջ ու մինչև հաղթանակ։ Ցավոք նրանք դա չտեսան, բայց մենք հաղթեցինք հենց նրանց համար ու դեռ մեր պայքարը շարունակվելու է Արթուրի ու մյուս Տղերքի սխրանքին պատասխան։ Գիտակցենք, որ նրանք դա արեցին հանուն մեզ բոլորիս։ Դու կա'ս ու ապրելու ես Հերոս Եղբայր, քանի դեռ կանք ու ապրում ենք մենք։ Փա'ռք քո անմահ հիշատակին` Հերոս։ #ГероиАпрельскойВойны Նյութը պատրաստեց՝Ալվինա Հարությունյանը։ https://www.banak.info/2017/03/Artur-Garniki-Gevorgyan.html