Шкаень уженяй

(Божий уголок)
***********************************
Тейть мон пара мяльса ,
Шачем крайняй, моран.
Тядянь алянь кяльса,
Вайме панжемс ёран.
Мокшень модать лангса ,
Сетьме шиста шачень.
Най ни кельгомаса ,
Эрь пингоня ащень.
Шкаень уженязе,
Тейне аф юкстави.
Арьси фалу прязе,
Седистон аф яви.
Уфамазь вармась пулекс,
Лия мастор ланга.
Маланяса улелень ,
Ласьколень мон ялга.
Лама лангсот ляйне
Шачем масторнязе!
Эряф максоть тейне,
Шкаень уженязе!
Васьфнят эсонк тяса ,
Фалу кшиса- салса,
Корхтайхть эрь курняса,
Пара, ляпе валса.
Кда улельхть пацят ,
Кеподелень вяри
Вишкста,нармонь лаца,
Лиелень куд пели.
Мокшень мазы крайняй,
Сюконян тейть алу
Кадык морайхть най ни,
Цёфксне ланксот фалу.
Галина Лаушкина (Будко)
02.04.2925