Артур Моро «Россия, тиринем Россия»

Россия, тиринем Россия!
Певтеме паксят, розень сия.
Весе моданть ланга келемезь,
Розь сиясто саевсь тонь лемесь.
Сюпават тон, виеват, покшат:
Лия планетат сасат-токшат.
Россия, тиринем Россия!-
Лисьмапря ведень валдо сия,
Лушмова чудикерькс гурниця,
Норовжорч-гонипов жойниця…
Латкинеть, лугинеть, нурямот, -
А муят истят уш, а рамат.
Седей сэредемс тон вечкевикс,
Лей чирень кальсэ тон менчевикс,
Эрьва дягильсэ, лопинесэ,
Ялткесэ-коштсо, варминесэ.
Россия, тиринем Россия! –
Превей ломанесь ютась тия,
Кона макссь тонеть лем истямо,
Ведь сюронь виесь – те эрямо.
Эряк, виемть ды каст, Россия,
Народот туртов покш часияс!