Tı Tolışij!

Bınım kande çı Amburi,
rəği vote: - Tı Tolışij!
təği vote: - Tı Tolışij!
Pedome çı Bəlləbıri
sıği, vote: - Tı Tolışij!
reği vote: - Tı Tolışij!
Zımıston be, kədə mandim,
Tovıston be, bədə mandim.
Çı ovəynə vədə mandim,
Rişi vote: - Tı Tolışij,
Bıği vote: - Tı Tolışij!
Çaşi vote: - Tı Tolışij!
Loği vote: - Tı Tolışij!
Sa bə bın nəvim vətəni,
Ostoro, Lankon, Zuəni.
Edaştem piyəy ıştəni
Həmə vote: - Tı Tolışij!
Deği vote: - Tı Tolışij!
Ləmə vote: Tı Tolışij!
Leği vote: Tı Tolışij!
Bandonku bə tolo eşim,
Bə çı holon holo eşim.
Təpa eşim, çolo eşim,
Vıli vote: - Tı Tolışij!
Teği vote: - Tı Tolışij!
Qıli vote: - Tı Tolışij!
Şıği vote: - Tı Tolışij!
Mirfayaz Likməkani
07.06.2025