Im ruj Tolışə xəlği yolə fədokoə zoə, çımı həmko - çı Azərbaycan Talışların İctimai Şurası - Azərboyconi Tolışon İctimoi Şura həmsədr, rostəzın ( beynəlxalğə huquşunas) - Ataxan əğə Əbilovi 60 sorınə yubileye!

60 sorij yubileyə ruj,
Fik kardedəm ha her-hevuj.
Az bıvotom kom sıxani?
Bımando bə Ataxani.
Çı tolışi yolə zoə,
Bo xəlğiro umrıj doə.
Bə şəv, bə ruj bə koye əv,
Dı Həxinə bə roye əv.
Canqədəye de iblison,
Çəvon çəşon qətdə mizon.
Oşno kardə de rostinə,
Çokə duste de dustinə.
Har ki jəydə həxi həşə,
Əv çəvonsə hejo bəşə.
Bıji, çəmə yolə lider,
Bıbi dəmə, yolə lider.
Xıdo bıdə xəşəconi,
Dırozəji, xos jimoni.
Hele bıdəm bə Lik tıni,
Bandon bıkən təbrik tıni.
Eşəmon bə Lankon ico,
To Masallu, to Ostoro.
Marzi ı ton, marzi ə ton,
Rohət bıbu çımbəçəton.
Cobey ve dənibəkəşə,
Kəşəninmon həni kəşə.
Xəlğ rujbəruj oğo bedə,
Bəştə rişə oqardedə.
Xıdo bəşmə ve zu bıdə,
Onıqnıjon i ləz bıdə.
Mirfayaz Likməkani