Предыдущая публикация
&&&
“ტკბილეული არ მინდოდა და ხურდა ვაჩუქე, მან კი ეს ტკბილეული ყავარჯნიან ახალგაზრდა კაცს აჩუქა”
“მისი ნებართვით ფოტო გადავუღე, მხოლოდ იმიტომ, რომ მინდა ბევრი იცნობდეს ამ კაცს“, – ამ პოსტს “ვიდეოპატრულის” ყოფილი ჟურნალისტი გოჩა მუკბანიანი სოციალური ქსელის გვერდზე წერს.
”არ შემეძლო არ დამეწერა… ამ საოცარმა ადამიანმა დღეს, რაღაც შეცვალა ჩემში, რაც სულ მემახსოვრება. – დიდუბის ე.წ. “ოკრიბას” ა/სადგურში “ბუბლიკებს” მთავაზობდა შესაძენად. ტკბილეული არ მინდოდა და მისი საფასური – ხურდა ვაჩუქე. მიკროავტობუსიდან მოსაწევად ჩავედი და ვხედავ, რომ ეს კაცი! ადამიანი! ერთ შეკვრა ტკბილეულს იქვე მყოფ ყავარჯნიან ახალგაზრდა კაცს სჩუქნის. მომიბრუნდა და ძალიან ბედნიერი სახით მითხრა იმას ვაჩუქეო. მოკლედ, ცოტა გულაჩუყებული, გამთბარი და ჩაფიქრებული ვმგზავრობ დასავლეთისკენ. მისი ნებართვით ფოტო გადავუღე, მხოლოდ იმიტომ, რომ მინდა ბევრი იცნობდეს ამ კაცს – სახელად სიკეთე”, – წერს გოჩა მუკბანიანი.
Следующая публикация
Комментарии 90