Лак ту ишқанд маст вийуммат, лак лақ'ум,
Ту дэвитир хъаб рухец'та тақ-тақ'ум.
Хой ту лакен, хой налакен тар му хез,
Турдта аз тоқ, йо аз рӯц чақ-чақ'ум.
Меф му гапен фук ниғӯғ ху фикре кин,
Аз ту винтов то нурец, уз ақум йо но ақум.
Халқ тар кор меҳнаттат, узта рузат шӯм авас
Гоҳ ту цемен, йо ту шанден, де ту ланҷен бақ-бақум.
Лӯм туҷатта йо йимеф аз му чид му ай кинен,
Бад ху пицта пиth магам тар ту табор таббақум
Цонд ага куд моф му thен, узта бе хоъҷ мардумард,
Фук саволеннард ҷавоббен рақ-рақум.
Мурта лӯвен дисга мак, вамтэ Рустам цем биthемч,
Эй туҷат-о ҳам Рустам, ҳам Суҳроб ной жақум.
Ат Худованд-о ту дил му thустен насиб ца кихт,
Тахти ишқтэ ошиқенард аз ху ҷонтир байрақум.
Цонд соллен мунд ку аъд, ғалум ту живҷ ростийаф,
Ту Фаррух боварэ кин, фанд цаthам лӯ ахмақум
Эй ту беҳмер лӯ йи чиз, маш йошэ дусга реthҷ,
Йо ку он лӯ, йо най, хуб ҳалолаф бор зақум.
Фаррух Бозор... Қалъа 1994..
Присоединяйтесь к ОК, чтобы посмотреть больше фото, видео и найти новых друзей.
Нет комментариев