Россий Федераций правительствыште Марий Элыште эрыктыше сооружений-влакым уэмден олмыктымо да чоҥымо йодыш шотышто совещаний эртен.

Тушто регион вуйлатыше Юрий Зайцев лийын. РФ правительстве председательын алмаштышыже Дмитрий Патрушев заседанийым эртарен. «Оздоровление Волги» федерал проект кышкарыште 2019 ий гыч Йошкар-Ола ден Козьмодемьянск олалаште, тыгак Марий Турек, Параньга ден Килемар районлаште куд эрыктыше сооруженийым уэмден олмыктымо паша каен.
Совещанийыште нине чоҥымо объект-влакым пашаш колтен модернизироватлыме, кӱлеш оборудований дене пойдарыме йодышлан кугу тӱткышым ойыреныт. https://газетамарийэл.рф/yulym-vele-ogyl-tazaҥdarat/