Марий Эл гыч муниципальный служащий-влак «Служений» премийлан темлалтыт.

Всероссийский муниципальный премий калыкше да шочмо кундемже верч тыршен пашам ыштыше-влакым кумылаҥдаш эртаралтеш. Тиде муниципальный служащий-влаклан эн кугу награде.
Конкурсыш 61 тӱжем йодмаш пурен. Марий Эл гыч номинант-шамыч коклаште улыт:
Евгения Пономаренко – «Марий град» рӱдерын директоржо;
Александр Кугергин – Шернур муниципальный округ вуйлатышын пашажым жаплан шуктышо;
Ольга Ярыгина – Кужэҥер район вуйлатыше;
Антон Трудинов – Йошкар-Ола мэрын пашажым жаплан шуктышо;
Лариса Яндыбаева – Марий Турек район вуйлатыше.
📸Фотом кандидат-влакын воткыл лаштыклашт гыч налме.