Ӱшаным огыт йомдаре

👆 Специальный военный операцийын ветеранже «Мужество» орден дене палемдалтше, тачысе кечылан регионышто следж-хоккей дене сборный командын участникше, "Герои Марий Эл. Талешке-влак" программыш ушнышо Алексей Блиновлан спорт протезым пуэныт.
Ветеран-влак спортышто тӱрлӧ йӧн дене сай результатыш шуын кертмым шке примерышт, пеҥгыде койыш-шоктышышт дене пеҥгыдемдат.
«Защитники Отечества» регионысо фонд спецоперацийын вич ветеранжылан спорт протезым ойырен. Нунын кокла гыч иктыже – Медведево район гыч Алексей Блинов.
💪 – Штурмовой дивизийыште служитленам. Икымше задачым шуктымем годымак нелын сусыргаш логалын. Тунам ик татыште пӱтынь илышем волгенче семын эртен, но ушым йомдарен омыл. Кӧргӧ виемым погалтен, шканем шке икымше медицине полышым пуэнам. Сусыргымем нерген раций дене увертаренам. Варажым мыйым авакуатор дене луктыныт. Госпитальыште пел ий эмлалтынам. Пел йол деч посна кодынам, протезым шынденыт. Тыге пӱралтын гын, ончыкыжо у шонымаш дене илыман, – ойла шкеже. – Тыглай ден спорт протез коклаште ойыртем шижалтеш. Эрдене мйы пием дене пырля куржталаш йӧратем. Тыглай протез дене изиш нелырак ыле. Тау «Защитники Отечества» кугыжаныш фондын верысе филиалжылан да социальный координаторем, Геройын пелашыже Светлана Тороповалан.
🏃 🙏 🙏 Алексей Блинов тренер Сергей Анатольевич Кугергин дене ямдылалтын. Лач тудын денак спецопераций деч вара «Корта» ече базыште коштын ончен. Тыге, шкан физический формым кучаш манын, тӱҥалтыште эркын-эркын 5-6 километрым эртен. 12-18 мартыште Ханты-Мансийскыште спортын теле видше дене «Кубок Защитников Отечества» всероссийский таҥасымаште Марий Эл гыч Никита Михайлов дене коктын вийыштым тергеныт.
Елена Эшкинина
📷