Эн тале спортсмен

Ольга Прядкина – Олимпийский резерв училищыште куштылго атлетике отделенийын ик эн тале спортсменже. Тудын тренрже – СССР-ын спорт м астерже Константин Лукьянов.
Ольга куштылго атлетике дене элнан сборный командыжын чапшым арала. Тений Российын спорт мастерже нормативым шуктен. Ӱдыр марий Элыште веле огыл, ӧрдыж кундемлаштат сай результатше дене ойыртемалтеш.
2023-2024 ийлаште – поснак. Курыкышто куржталме дене Российын чемпионатыштыже 4-ше верыш лектын. Юл кундем федерал округышто куштылго атлетике дене 1-ше, зданий кӧргышто регион-влак кокласе турнирыште 1-ше да Марий Элын чемпионжо лийын.