30 май-2 июнь гутлаште Марий Элын Тӱвыра, савыктыш да калык-влакын пашашт шотышто министерствыже Российысе журналист ушемын регионысо пӧлкаж дене пырля федеральный, тыгак Рӱдӧ да Юл кундем федерал округласе журналист-влаклан пресс-турым эртара.
Тушко ушнышо-шамыч Марий Элысе исторический ден тӱвыра объектлам, виян пашам ыштыше промышленный ден ялозанлык предприятий-влакым ончал савырнат, обзорный экскурсийлаште лийыт.
1 июньышто Юрино посёлкысо Шереметев замокышто Э.Сапаев лӱмеш опер да балет кугыжаныш театрын шындыме «Лебединое озеро» балетшым ончаш йӧн лиеш. Тудо кава йымалсе «Летние сезоны» опер да балет искусство республик кӱкшытан фестиваль кышкарыште эртаралтеш.
Пресс-турыш Российысе журналист ушем вуйлатыше Владимир Соловьев толаш сӧрен. Марий Элыште тудо ик ганат лийын огыл. Регионысо журналист пӧлкам вуйлатыше Александр Абдуловын палемдымыж почеш, ты пресс-тур Российысе журналист-влакым Марий кундем дене палдараш да тидын дене мемнан деке утларак туристым толаш кумылаҥдаш шонымаш дене эртаралтеш. Республикысе журналист-шамычат тушко ушнат.
С.Носова https://газетамарийэл.рф/press-turysh-vuchat/
https://газетамарийэл.рф/kud-smenym-palemdyme/
Присоединяйтесь к ОК, чтобы подписаться на группу и комментировать публикации.
Нет комментариев