Специальный военный операцийыште участвоватлыше патырна-влаклан гуманитар полышым эреак погат. Южгунамже йодмо почеш ик тӱшкам намиен толытат, весым чумыраш тӱҥалыт веле. Тыгай полышыш регионнан чыла районжо ушнен.
СВО-што мо кӱлешым йодмо деч посна пенсийыш лекше, тунемше-влакат тӱрлӧ йӧным кучылтыт. Теве икмыняр вере маскировочный сеткым пидыт гын, вес районышто сухой кочкышым ямдылат. Предприниматель, производствышто тыршыше-шамычат квадрокоптерлан, дронлан, моло кӱлеш техникылан оксам ойырат.
Йоча-влакат ӧрдыжеш огыт код: окоплык сортам ыштат, аралтышым келыштарат, кумылаҥдыше серышым возат.
Шукерте огыл командировко дене Волжский районышто лийынна. Сотнур кыдалаш школышто воспитаний паша шотышто завуч Валентина Иванова тунемше-влакын серышыштым, ямдылыме тыланымашыштым военнослужащий-влаклан намиен шукташ пуэн колтыш.
– Тунемше-влакын ямдылыме значокышт, серышышт салтак-шамычын чоныштым ырыкта, манын ӱшанена. Чылаштым сеҥымаш дене вучена мане Валентина Николаевна. – А мемнан тӱҥ пашана: элнан ӱшанле ончыкылык тукымым туныктен лукташ, воспитатлаш.
Елена Эшкинина
https://газетамарийэл.рф/kud-smenym-palemdyme/
Присоединяйтесь к ОК, чтобы подписаться на группу и комментировать публикации.
Нет комментариев