Тургым вийым налын
Марий Элыште 16 майлан 53,4 тӱжем гектарыште, але палемдыме пӱтынь кумдыкын 33 процентыштыже, икияшым ӱдымӧ.
Ялозанлык да кочкыш сату министерстве гыч пурышо увер почеш, икияш пырчан да отызан кушкылын урлыкашыжым вераҥдымаште Звенигово районысо мланде пашаеҥ-влак эн ончылно улыт. Тыште 57 процентыште ӱденыт. У Торъял районышто 51, Шернур районышто 49 процентыште вераҥденыт. Таҥастарена: кодшо ийын тиде кечыланак республикыште икияшым пӱтынь кумдыкын 90 процентыштыже ӱдымӧ ыле.
Игече саеммылан кӧра тургым талышнен. Тыге 15 майыште республикыште урлыкшым 6,6 тӱжем утла гектарыш вераҥдыме. Марий Турек районысо озанлык-влак тиде кечын 1629 гектарыш ӱденыт, Шернур районышто – 1093 гектарыш.
Тений республикысе озанлык-влак 3038 гектарыш пареҥгым шындышаш улыт. Теҥгечысе кечылан Курыкмарий районышто 50 да Волжский районышто 3 гектарыш «кокымшо киндын» урлыкашыжым вераҥденыт. Палемден кодыман: тений пареҥгым эн кугу кумдыкыш, 2670 гектарыш, Курыкмарий районысо озанлык-влак шындаш палемденыт. Курыкмарий ден У Торъял районлаште чылаже 25 гектарыш пакчасаскам вераҥденыт.
В.Смоленцев
Авторын фотожо
Присоединяйтесь к ОК, чтобы подписаться на группу и комментировать публикации.
Нет комментариев