Васютин паша визит дене Козьмодемьянскыш миен коштын.
Тудо федеральный ден республикысе программыла почеш чоҥалтше объект-влакым ончен лектын. «Юбилейный» стадионыш миен. Ты объект «Демографий» нацпроектыш пурышо «Спорт – илышын нормыжо» регионысо проект дене келшышын уэмдалтеш.
Тыгак М.Васютин Я.Эшпай лӱмеш калык культур рӱдер пелен музыкальный скверым тӱзатыме пашам аклен. Ты скверын проектше изи олалаште оласе кумдыкым йӧнаным ыштыме эн сай проект-влакын всероссийский конкурсыштышт сеҥышыш лектын. Санденак ты скверыште экстремал спортым йӧратыше-шамычлан памп-трекым чоҥат, тыгак тушто «кукшо фонтан» лиеш.
Марий Эл образований ден науко министр Л.Ревуцкая, республикысе паша да социальный аралтыш министрын алмаштышыже Г.Ярцева дене пырля М.Васютин С.Сивков лӱмеш 3-шо №-ан школышто капитально ачалыме, «Дарование» школ-интернатыште кочмо блокым чоҥымо пашан кузе кайымыжым терген, социальный обслуживанийым пуышо учрежденийлаш миен.
Марий Эл Правительстве Председательын икымше алмаштышыже паша визит дене мийымыж годым граждан-влаклан личный приёмым эртарен. Олаште илыше-шамычым Советский ден Свердлов уремлаште йолын коштмо кумдыкым тӱзатыме йодыш тургыжландарен. М.Васютин тиде верым «Илыме вер ден оласе кумдык» нацпроектыш пурышо «Оласе кумдыкым йӧнаным ыштымаш» федеральный проект дене келшышын шотыш кондат манын палемден.
Присоединяйтесь к ОК, чтобы подписаться на группу и комментировать публикации.
Комментарии 1
Живи и процветай,мой край марийский.
Пеш кугу тау.