Тайёр турай кетмишга ҳам,
Дейман келин не деса ҳам
—"Хўп бўлади, келинпошшо!"
Гапим кесмас ўтди вақтим,
Сарғайди умр дарахтим,
Партим қолди, кетиб шартим,
—Хўп бўлади, келинпошшо!
Энди гоҳ-гоҳ ўргатсам иш,
Пешонаси бўлар тириш,
Дейди: — Сиатар энди ўтмиш
—Хўп бўлади, келинпошшо!
Аралашгим келар яна:
—Ундай қилма, бундай қилма.
Дейди: — Вой-ей, сизга нима?
—Хўп бўлади, келинпошшо!
~~~ Sherlaruz.com ~~~
Дейман: — Овқат еса гўдак,
Олдига тутинг ошхўрак.
Сапчишади: — Нега керак?
—Хўп бўлади, келинпошшо!
Дейди: — Бошим бўлар гаранг,
Меҳмон кутсам аралашманг,
Ошхонада ўралашманг,
—Хўп бўлади, келинпошшо!
Дейман: — Қўл ювгани бешак,
Чилобчину қумғон керак.
Дейди: — Нега? Ана, жўмрак,
—Хўп бўлади, келинпошшо!
~~~ Sherlaruz.com ~~~
Дейман: — Чилобчин, офтоба —
Жўмрагингга катта дода,
Дейди: — Ҳозир жўмрак мода,
—Хўп бўлади, келинпошшо!
Энди "устоз", деймиз сизни,
Бизлар мехмон кўрибмизми?!
"ХўтГ демасак ўлибмизми?!
—Хўп бўлади, келинпошшо!
Тортишиб қолсам сиз билан,
Сиқилмасин ўгилгинам,
Боғлаб қўйинг, тилимни ҳам,
—Хўп бўлади, келинпошшо!
Иложим йўқ, боқувчим Сиз,
Гоҳ силтаб, гоҳ қоқувчим Сиз,
Чироғимни ёқувчим Сиз,
—Хўп бўлади, келинпошшо!
Куним битиб, бир кун ўлсам,
АрвоХГа айланиб келсам,
"Кет!" десангаз, дер Руҳим ҳам:
—Хўп бўлади, келинпошшо!
Присоединяйтесь к ОК, чтобы подписаться на группу и комментировать публикации.
Нет комментариев