Անգլիայի Պրեմիեր լիգայի 9-րդ տուրում «Մանչեսթեր Սիթին» սեփական հարկի տակ 5:0 հաշվով ջախջախեց «Բարնլիին»: «Քաղաքաբնակների» կազմում գոլի հեղինակ դարձան Ագուերոն, Սիլվան, Ֆերնանդինյոն, Մահրեզը և Սանեն: Այս հաղթանակից հետո Գվարդիոլայի ֆուտբոլիստները 23 միավորով առաջին տեղում են: «Տոտենհեմն» էլ մրցակցի հարկի տակ նվազագույն հաշվով առավելության հասավ «Վեսթ Հեմի» նկատմամբ: Հաղթական գնդակը խփեց Էրիկ Լամելան: «Տոտենհեմը» վաստակեց 21 միավոր և 4-րդ տեղում է: