«Մանչեսթեր Սիթիի» գլխավոր մարզիչ Խոսեպ Գվարդիոլան չի բացառել, որ օրերից մի օր կարող է տեղափոխվել Իտալիա: «Ինչո՞ւ ոչ: Ես ինձ չէի պատկերացնում Գերմանիայի առաջնությունում, բայց դա կատարվեց: Հիմա ես Անգլիայում եմ: Ո՞վ գիտի, թե ֆուտբոլն ապագայում ինձ ուր կտանի»,- իսպանացի մասնագետի խոսքն է մեջբերում Gazzetta dello Sport-ը: Հիշեցնենք, որ 47-ամյա իսպանացին նախկինում մարզել է «Բարսելոնան» և «Բավարիան»: Նրա գործարքը «Մանչեսթեր Սիթիի» հետ նախատեսված է մինչև 2021 թվականը: