Шундай мақом берибди Аллоҳ,

Не дилларга севги солибсиз.
Бу дунёдан, эй Расулуллоҳ ﷺ
Келмасимдан кетиб қолибсиз.
Ерни нурга тўлдирибсиз-у,
Душманларни ўлдирибсиз-у,
Суннатларни қолдирибсиз-у,
Келмасимдан кетиб қолибсиз .
Башоратлар бўлмоқда зоҳир,
Кундан кунга дунё ҳам тахир,
Сизни кўргим келмоқда ахир,
Келмасимдан кетиб қолибсиз .
Шайтон итдек юрар увиллаб,
Дил фитнадан турар шувиллаб,
Сизсиз дунё қолмиш ҳувиллаб ,
Келмасимдан кетиб қолибсиз .
Иймон бутун,юрагим ярим,
Учай десам йўқ қанотларим,
Етмоқдами салавотларим?
Келмасимдан кетиб қолибсиз .
Дил дардини қоғозга тутдим,
Ҳаққа йиғлаб саждалар этдим,
Сизни қаттиқ соғиниб кетдим,
Келмасимдан кетиб қолибсиз .
Қанча кун бор жонимда,
Тавба этгум ҳар бир онимда,
Кутгум дея Кавсар ёнида,
Келмасимдан кетиб қолибсиз