#музей_Максіма_Багдановіча
Усе вы ведаеце, што наш музей карыстаецца папулярнасцю ў наведвальнікаў Беларусі і замежжа.
Але часам бываюць і вось такія незвычайныя госці. Як мяркуюць супрацоўнікі, да нас завітаў бражнік (Sphingidae) – прадстаўнік сямейства насякомых атрада матылёў.
Размах крылаў бражніка дасягае 20 см, цела тоўстае, верацёнападобнае, хабаток доўгі. Некаторыя насякомыя смокчуць нектар кветак, завісаючы ў паветры, а таксама любяць ласавацца мёдам. Можа быць, гэта адказ на пытанне, чаму бражнік мае такую назву.
Як тут не ўзгадаць нашага Максіма і яго казку:
Матылькі — баяры, пчолачкі – баяркі,
Спрытны, шпаркі, асабліва як да чаркі.
А найстаршая баярачка – чмяліха
Так спявала, аж баяр пабрала ліха…
Большасць бражнікаў актыўныя на змярканні і ноччу, але наш “музейны госць” вырашыў не чакаць цемры, каб не прапусціць смачныя пачастункі!
І вам раім – не чакайце адмысловай прычыны – проста прыходзьце ў музей Максіма Багдановіча!
Присоединяйтесь к ОК, чтобы подписаться на группу и комментировать публикации.
Нет комментариев