Адам Багдановіч пісаў, што фотаздымкі яго жонкі Марыі не даюць ніякага ўяўлення пра яе, што “это маска, лишенная жизни; а она была вся сверкающая поющая жизнь, вся движение, радость, восторг”.
І мы пагаджаемся з Адамам Ягоравічам, але працягваем любавацца матуляй Максіма. Вось адна з самых прыгожых фатаграфій Марыі Багдановіч. Аднак, яна ўтрымлівае адну загадку, якую супрацоўнікі музея разгадаць пакуль не могуць, – невядома дата здымка.
Як сведчыў Павел Багдановіч (пляменнік Марыі, які, аднак, яе ніколі не бачыў), гэта апошні здымак маці паэта, зроблены незадоўга да смерці, у 1896 годзе. Але ці магло быць так на самой справе?!
Марыя жыла ў гэты час у Гродна, гадавала трох маленькіх сыноў, якім было 3, 5 і 6 гадоў. 30 мая 1896 года з’явілася яшчэ адно дзіця – дачка Ніна, пасля нараджэння якой у маці і выявілі сухоты. Для лячэння яе адправілі на вёску, у ваколіцах Гродна, а 4 кастрычніка таго ж года яна адышла ў іншы свет.
За сямейнымі клопатамі ці магла яна знайсці час, каб адправіцца для фатаграфавання ў Мінск (тым больш, што ў Гродна былі свае фатографы)?!
У супрацоўнікаў музея ёсць некалькі іншых версій:
1) Здымак зроблены ў 1886 годзе для паступлення Марыі Багдановіч у Земскую настаўніцкую школу ў Пецярбургу.
2) Здымак зроблены ў хуткім часе пасля знаёмства Марыі з Адамам (1888).
А самае цікавае тое, што да нашага часу захаваліся тры такія арыгінальныя здымкі: у Нацыянальным гістарычным музеі РБ і ў музеі паэта.
Присоединяйтесь к ОК, чтобы подписаться на группу и комментировать публикации.
Нет комментариев