Слы́шавше же внидóша по ýтреницѣ въ цéрковь и учáху. Пришéдъ же архiерéй и и́же съ ни́мъ, созвáша собóръ и вся́ стáрцы от сынóвъ Изрáилевыхъ и послáша во узи́лище, привести́ и́хъ. Слуги́ же шéдше не обрѣтóша и́хъ въ темни́цѣ, возврáщшежеся возвѣсти́ша, глагóлюще, я́ко темни́цу ýбо обрѣтóхомъ заключéну со вся́кимъ утверждéнiемъ и блюсти́тели стоя́щыя предъ двéрьми: отвéрзше же, внýтрь ни еди́наго обрѣтóхомъ. Я́коже слы́шаша словесá сiя́ архiерéй же и воевóда церкóвный и первосвящéнницы, недоумѣвáхуся о ни́хъ, чтó ýбо бýдетъ сié. Пришéдъ же нѣ́кто возвѣсти́ и́мъ, глагóля, я́ко сé, мýжiе, и́хже всади́сте въ темни́цу, сýть въ цéркви стоя́ще и учáще лю́ди. Тогдá шéдъ воевóда со слугáми, приведé и́хъ не съ нýждею, боя́хуся бо людíй, да не кáменiемъ побiю́тъ и́хъ: привéдше же и́хъ, постáвиша на сóнмищи, и вопроси́ и́хъ архiерéй, глагóля: не запрещéнiемъ ли запрети́хомъ вáмъ не учи́ти о и́мени сéмъ? и сé, испóлнисте Иерусали́мъ учéнiемъ вáшимъ и хóщете навести́ на ны́ крóвь человѣ́ка сегó. Отвѣщáвъ же пéтръ и апóстоли рѣ́ша: повиновáтися подобáетъ богови пáче, нéжели человѣ́комъ: Бóгъ отéцъ нáшихъ воздви́же Иисýса, егóже вы́ уби́сте, повѣ́сивше на дрéвѣ: сегó Бóгъ начáлника и Спáса возвы́си десни́цею своéю, дáти покая́нiе Изрáилеви и оставлéнiе грѣхóвъ: и мы́ есмы́ тогó свидѣ́телiе глагóлъ си́хъ, и Дýхъ святы́й, егóже дадé Бóгъ повинýющымся емý. Они́ же слы́шавше распыхáхуся и совѣщáша уби́ти и́хъ.
Они, выслушав, вошли утром в храм и учили. Между тем первосвященник и которые с ним, придя, созвали синедрион и всех старейшин из сынов Израилевых и послали в темницу привести Апостолов. Но служители, придя, не нашли их в темнице и, возвратившись, донесли, говоря: темницу мы нашли запертою со всею предосторожностью и стражей стоящими перед дверями; но, отворив, не нашли в ней никого. Когда услышали эти слова первосвященник, начальник стражи и прочие первосвященники, недоумевали, что бы это значило. Пришел же некто и донес им, говоря: вот, мужи, которых вы заключили в темницу, стоят в храме и учат народ. Тогда начальник стражи пошел со служителями и привел их без принуждения, потому что боялись народа, чтобы не побили их камнями. Приведя же их, поставили в синедрионе; и спросил их первосвященник, говоря: не запретили ли мы вам накрепко учить о имени сем? и вот, вы наполнили Иерусалим учением вашим и хотите навести на нас кровь Того Человека. Петр же и Апостолы в ответ сказали: должно повиноваться больше Богу, нежели человекам. Бог отцов наших воскресил Иисуса, Которого вы умертвили, повесив на древе. Его возвысил Бог десницею Своею в Начальника и Спасителя, дабы дать Израилю покаяние и прощение грехов. Свидетели Ему в сем мы и Дух Святый, Которого Бог дал повинующимся Ему. Слышав это, они разрывались от гнева и умышляли умертвить их.
Присоединяйтесь к ОК, чтобы подписаться на группу и комментировать публикации.
Комментарии 1