И́же храни́тъ своя́ устá и язы́къ, соблюдáетъ от печáли дýшу свою́. Продéрзый и величáвый и гордели́вый губи́тель нарицáется: а и́же памятозлóбствуетъ, беззакóненъ. Пóхоти лѣни́ваго убивáютъ: не произволя́ютъ бо рýцѣ егó твори́ти чтó. Нечести́вый желáетъ вéсь дéнь пóхоти злы́я, прáведный же ми́луетъ и щéдритъ нещáдно. Жéртвы нечести́выхъ мéрзость Гóсподеви: и́бо беззакóнно принóсятъ я́. Свидѣ́тель лóжный поги́бнетъ, мýжъ же послушли́въ сохраня́емь возглагóлетъ. Нечести́въ мýжъ безстýдно стои́тъ лицéмъ: прáвый же сáмъ разумѣвáетъ пути́ своя́. Нѣ́сть премýдрости, нѣ́сть мýжества, нѣ́сть совѣ́та у нечести́ваго. Кóнь уготовля́ется на дéнь брáни: от Гóспода же пóмощь.
Лýчше и́мя дóброе, нéже богáтство мнóго, пáче же сребрá и злáта благодáть благáя. Богáтъ и ни́щь срѣтóста дрýгъ дрýга, обои́хъ же Госпóдь сотвори́. Худóгъ, ви́дѣвъ лукáваго мýчима крѣ́пко, сáмъ наказýется: безýмнiи же мимошéдше отщети́шася. Рóдъ премýдрости стрáхъ Госпóдень, и богáтство и слáва и живóтъ.
Присоединяйтесь к ОК, чтобы подписаться на группу и комментировать публикации.
Нет комментариев