Қиров қўнар сочга аста билдирмай,

Юракннг бандлари узилар бир - бир..
Умрнинг шомлари келар сездирмай,
Қўл силтаб кетади жимгина тақдир!
Сарғайган баргларга ўхшайди кунлар,
Чирпирак қилади тинмайин шамол!
Оҳ бунча қисқарса наҳору, тунлар?
Гўёки дегудай "Бу кун яшаб қол" !
Ёмғирлар авжида, савалайди дўл,
Умр остонаси кетар емрилиб.
Шунчалик лақмами, ё шунчаки гўл?
Қум соат ичига кетдим эврилиб..
Ортимга боқаман маъюс қайрилиб,
Ёшлигим қўл силтаб кетмоқда нари!
Бўзлаяпман , гунгурт сочдан айрилиб..
Мунғайган армонли севги сингари!
Умрнинг шомлари келар сездирмай...
24.08. 2020 й Zahro Shamsiyya