Онамдан айрилиб қолиб, билсангиз,

Оғриқ бор ҳаттоки оққан қонимда.
Агар мени тирик юрсин десангиз,
"Онам" демай туринг мени ёнимда!
Қиймалар юракни соғинч беадат,
Ютилмай тош турар гирибонимда,
Мени ауф этингу, бир неча муддат,
"Онам" демай туринг мени ёнимда!
Кўзимда уйқу йўқ тонг отгунича,
Ёди ёт бўлмайин бирон онимда,
Кўксимдаги олов саааал ўчгунича,
"Онам" демай туринг мени ёнимда!
Асли йўқлигига кўнмоқлик маҳол,
Умидингиз бўлса қилдек жонимда.
Менинг ўтинчимни олмайин малол,
"Онам" демай туринг мени ёнимда!
Эй онаси борлар!
Ёнимга кириб,
Бир оз кўмак беринг имтиҳонимда.
Агар имкон бўлса, оғиз тўўўлдириб,
"Онам" демай туринг мени ёнимда!
Малика Салимова