Kreva.Travel

У часопісе “Іскры” 25 снежня 1916 года быў апублікаваны артыкул пра таямнічы храм-бліндаж. Рэпартаж быў зроблены з баявых пазіцый, таму ні аўтар допісу, ні дакладнае месца не былі пазначаныя. Аднак вядома, што гаворка ідзе пра аб’ект на тэрыторыі Ашмянскага павету, і, як высветлілася – побач з Крэвам.

20 снежня 2023 года Уладзімір Някляеў выступіў на радзіме дацкага казачніка Ганса Хрысціяна Андэрсэна. Калядны канцэрт прайшоў ва ўтульных сценах царквы uKirke ў Капенгагене.
Гэтая царква, вядомая з пачатку 20 стагоддзя, у 2012 годзе змяніла свой фармат: традыцыйнае чытанне Бібліі, нядзельныя набажэнствы і сталыя рытуалы былі замененыя музыкай, ежай, чытаннем вершаў, дэбатамі. Тут са столі звісае дыска-шар, лаўкі заменены вінтажнымі канапамі з велюру, і на кожным мерапрыемстве ў прысутных ёсць магчымасць выпіць халоднага піва або безалкагольнага напою з сябрамі і нават з мясцовым святаром.

Краязнавец Кастусь Шыталь адшукаў у архівах Нацыянальнага музея ў Варшаве фотаальбом фатографаў Эдмунда і Баляславы Зданоўскіх з дагэтуль невядомымі здымкамі Крэўскага і Медніцкага замкаў ў 30-ыя гады ХХ стагоддзя.

Сёння спаўняецца 135 год з дня нараджэння выбітнага беларускага мастака Язэпа Драздовіча.
Улетку 1929 года творца наведаў Крэва. Вынікам вандроўкі стала серыя графічных малюнкаў, на якіх аўтар адлюстраваў Крэўскі замак, Юр’еву гару, Аляксандра-Неўскую царкву, цэнтральную забудову мястэчка.
Глядзіце падборку шыкоўных прац па спасылцы.