1385 Крэўская Унія.

Крэўская унія 14 жніўня 1385 года, падпісаная ў замку Крэва — пагадненне пра дынастычны звяз паміж Вялікім княствам Літоўскім і Польшчай, па якой літоўскі вялікі князь Ягайла, узяўшы шлюб з польскай каралевай Ядвігай, абвяшчаўся польскім каралём.Войска, заканадаўства і судовая сістэма, а таксама скарб (улучаючы грашовую эмісію) заставаліся паасобнымі, захоўвалася і мяжа паміж дзяржавамі са спаганяннем мытных збораў.
1377 Смерць вялікага князя Альгерда выклікала ўнутраны разлад у ВКЛ.
1381 Пачаўся першы этап Грамадзянскай вайны (Вітаўт vs Ягайла), падчас якой абодва суперніка імкнуліся заручыцца дапамогай Тэўтонскага Ордэна.
1384 Скончыўся першы этап Грамадзянскай вайны. За аказаную дапамогу Ягайла абавязаўся (па Дубіскай дамове) перадаць Ордэну Жмудзь і прыняць каталіцтва. Аднак пасля ўхілення небяспекі з усходу (Тахтамыш спаліў Маскву), з'явілася магчымасць адабраць Жмудзь назад.
У 1384 годзе ў Польшчы каралевай стала Ядвіга, якой магнаты шукалі мужа, здольнага дапамагчы адбіваць экспансію Тэўтонскага Ордэна.
1385 унія Вялікага Княства і Кароны тады адпавядала інтарэсам абодвух бакоў. Яна дазваляла з'яднаць сілы дзвюх дзяржаў супраць агульнага ворага — крыжакоў. Нямецкая экспансія ў Польшчы дасягнула пагрозлівых маштабаў.
Палякам важна было забяспечыць спакой сваіх межаў і з боку Вялікага княства Літоўскага, бо літвіны толькі за адзін паход у 1376 годзе вывелі з Польшчы 23 тысячы палонных.
Падпісанне Крэўскай уніі, хоць і выклікала хвалю незадаволенасці часткі шляхты ВКЛ, стала этапам да спынення барацьбы паміж дзвюма дзяржавамі за паўднёва-заходнія Рускія землі (Галіцыю, Валынь, Холмшчыну) і спрыяла пашырэнню іх межаў да ўзбярэжжа Чорнага мора.
Пасьля смерці Ядвігі, шлюб Ягайла з княгіняй Сафіяй Гальшанскай (Друцкай) паклаў пачатак дынаціі Ягелонаў — каралеў Усходняй Эўропы.