в. Моладава, Брэсцкая вобласць
Сапраўдную славу вёсцы Моладава прынёс у свой час род Скірмунтаў. Апошнія набылі маёнтак Моладава ў вядомага рода Агінскіх напрыканцы XVIII стагоддзя. Праз тры гады на месцы старой сядзібы Агінскіх па
праекце італьянскага архітэктара Растрэлі, аўтара Зімняга Палацу ў
Санкт-Пецярбургу, быў пабудаваны новы, больш велічны палац у стылі ампір. Вакол будынка быў разбіты парк у ангельскім стылі, дзе была сабраная шырокая Батанічная калекцыя.
У 1798 годзе нарадзіўся Аляксандр Скірмунт, які пазней ператварыў Моладава ў прамысловую сталіцу рэгіёна. У 1830 годзе Аляксандр заснаваў у Моладава першы ў Беларусі цукровы завод. Амаль усе
заробленыя грошы ён накіроўваў на інавацыі. Адкрываліся новыя вытворчасці з найноўшымі на той час машынамі, а лепшыя працаўнікі адпраўляліся на навучанне ў Германію і Францыю.
На жаль, да нашага часу ад былой велічы палаца Скірмунтаў амаль нічога не засталося. Сядзіба ў Моладава была моцна пашкоджана
пад час Першай і Другой Сусветных войнаў. Канчаткова палац быў знішчаны партызанамі ў гады Вялікай Айчыннай вайны. Па словах мясцовых жыхароў, палац быў падарваны ў 1944 годзе па загадзе «зверху». Адзінае, што захавалася на тэрыторыі сядзібы – каталіцкая капліца-ратонда, якая была пабудавана ў 1907 годзе...
Присоединяйтесь к ОК, чтобы подписаться на группу и комментировать публикации.
Комментарии 3