23 траўня.
1173 (ці 25 траўня) - У Ерусаліме памерла Ефрасіння Полацкая, полацкая князёўна, беларуская святая. У 1187 г. яе мошчы былі перанесены ў Кіева-Пячорскую лаўру, а ў пачатку XX ст. — у Полацк. Нарадзілася ў Полацку каля 1100 г.
1753 - Памерла Францішка Уршуля Радзівіл, пісьменніца, драматург.
1761 - Шчучыну нададзены герб.
1888 - Нарадзіўся Караль Румель (г. Гародня), коннікспартсмен, першы алімпіец з Беларусі (на Алімпійскіх гульнях 1912 г. у Стакгольме, Швецыя).
1946 - У менскай турме НКУС памёр Кастусь Езавітаў, дзеяч нацыянальна-дзяржаўнага адраджэння, публіцыст, перакладчык, педагог, гісторык.
1967 - У Чыкага (ЗША) памёр Мікола Дзямідаў, вайсковы і грамадска-палітычны дзеяч.
1973 - Памёр Мікалай Каранеўскі, інжынер, дзеяч эміграцыі ў Аўстраліі. Пахаваны на беларуска-украінскай частцы могілак Роквуд у Сіднеі (Аўстралія).
1980 - У Гародне памёр Мікалай Марцінчык, грамадска-культурны дзеяч, лекар, вязень савецкіх канцлагераў.
1992 - У Гданьску (Польшча) адбыўся ўстаноўчы сход Беларускага культурнага таварыства "Хатка".
Присоединяйтесь к ОК, чтобы подписаться на группу и комментировать публикации.
Нет комментариев