15 траўня.
1845 - Нарадзіўся Іван Чэрскі (фальв. Свольна, цяпер Верхнядзвінскі р-н), удзельнік паўстання 1863-1864 гг., геолаг, географ, даследчык Сібіры.
1882 - Нарадзіўся Уладзіслаў Галубок (станцыя Лясная, цяпер Баранавіцкі р-н), пісьменнік, рэжысёр, акцёр, тэатральны дзеяч, мастак.
1909 - Нарадзіўся Язэп Найдзюк (в. Бойдаты, цяпер Ваўкавыскі р-н), дзеяч заходнебеларускага нацыянальнага руху, выдавец, гісторык. Аўтар кнігі "Беларусь учора і сёння".
1912 - Нарадзіўся Анатоль Іверс (сапр. Іван Міско; в. Чамяры, цяпер Слонімскі р-н), паэт.
1936 - Нарадзіўся Барыс Сачанка (в. Вялікі Бор Хойніцкага р-на), пісьменнік, публіцыст.
1944 - Нарадзіўся Антон Сцяпура (в. Занюкі Шчучынскага р-на), дзеяч нацыянальнага руху ў Гародне, сябар Беларускага Народнага Фронту.
1950 - У Тураве адкрыўся краязнаўчы музей (заснаваны 2 снежня 1949 г.).
1971 - У Лондане адкрылася Беларуская бібліятэка і музей імя Францыска Скарыны.
1979 - У Менску адкрыўся Музей старажытнабеларускай культуры (заснаваны 7 ліпеня 1977 г.).
1993 - У Гомелі створаны Музей-лабараторыя Францыска Скарыны.
Присоединяйтесь к ОК, чтобы подписаться на группу и комментировать публикации.
Нет комментариев