16 лістапада.
1888 (ці 16 снежня) - Нарадзіўся Вінцэнт Гадлеўскі (в. Шурычы, цяпер Свіслацкі р-н), рымска-каталіцкі святар, адзін з кіраўнікоў беларускага нацыянальнага супраціўлення ў гады Другой сусветнай вайны, ідэолаг беларускага нацыянальнага руху.
1893 - Нарадзілася Леаніла Чарняўская (жонка Максіма Гарэцкага; в. Таргуны, цяпер Докшыцкі р-н), перакладчыца, пісьменніца, настаўніца.
1905 - Нарадзіўся Ян Скрыган (в. Труханавічы, цяпер Капыльскі р-н), пісьменнік, перакладчык, вязень ГУЛАГу.
1914 - Нарадзіўся Язэп Семяжон (Семяжонаў; в. Пятровічы, цяпер Смалявіцкі р-н), перакладчык, літаратар. У 1969 апублікаваў пераклад першай паэмы пра беларусаў — «Песні пра зубра» Мікалая Гусоўскага з лацінскага арыгінала XVI стагоддзі.
1920 - У Слуцкім павеце створана антысавецкая Беларуская рада Случчыны — орган мясцовай улады, дзейнічала да канца студзеня 1921 г.
1925 - Нарадзіўся Кастусь Акула (в. Верацеі, на Віцебшчыне). Няўтомны арганізатар жыцця згуртавання беларусаў Канады, чалец Беларускай Краёвай Абароны. Ад жніўня 1944 г. і да канца вайны ваяваў з фашыстамі спачатку ў складзе францускіх партызанаў, а потым у брытанскім войску ў Італіі. Атрымаў ангельскі медаль "За вайну" і ордэн "Залатая зорка Італіі". Пісьменнік, драматург, фельетаніст.
1953 - У Бабруйску нарадзіўся Аляксандр Пракапенка, футбаліст, чэмпіён СССР (1982 г.), адзіны прадстаўнік Беларусі — бронзавы прызёр Алімпійскіх гульняў (1980 г.).
1982 - Памёр Андрэй Макаёнак, драматург. Пахаваны на Усходніх могілках у Менску.
Присоединяйтесь к ОК, чтобы подписаться на группу и комментировать публикации.
Нет комментариев