Ата-бабалар рухына тоғро

Һәр ауыл үҙенең көнкүреше, милли тамырҙары һәм мәҙәниәте менән үрелеп барған тулы тормошо менән йәшәй. Күндерәк йылғаһы буйында урынлашҡан Ҡабыҡҡыуыш ауылы ла шундай башҡорт ауылдарының береһе. Архив мәғлүмәттәре буйынса, ҡабыҡҡыуыштар туранан-тура Тәтегәс-бей нәҫеленән. Элек-электән улар мал аҫрап, иген үҫтереп, умартасылыҡ менән шөғөлләнгән. Хәҙер ҙә ата-бабаларының йолаларын дауам итеп, тырышып йәшәй һәм әүҙем тормош алып бара. Ҙур, күркәм өйҙәр, татыу, берҙәм ғаиләләр һәм әүҙем ауыл халҡы - бына шулай баһаларға мөмкин ҡабыҡҡыуыштарҙы.