Усё так – менавіта творчасць, вопыт і натхненне характарызуюць Алёну Уладзіміраўну Кандраценка ў дэкаратыўна-прыкладной творчасці. А. У. Кандраценка – культарганізатар Ленінскага СДК і кіраўнік аматарскага аб’яднання “Фантазія” гэтай установы.
11 красавіка Ленінскі СДК прымаў клубных работнікаў устаноў культуры раёна на прэзентацыю выстаўкі рамёстваў і ДПМ у рамках конкурсу “Жывое дрэва рамяства”. Так, умовы гэтага штогадовага конкурсу змяніліся – у гэтым годзе ён прызначаны толькі для клубных устаноў: для вызначэння адукацыйна-метадычнага ўзроўню, абмену вопытам кіраўнікоў клубных фарміраванняў клубных устаноў, удасканалення іх практык па папулярызацыі рамёстваў і ДПМ, развіцця творчасці.
А. У. Кандраценка ў праграму прэзентацыі ўключыла экскурс як паглыбленне ў станаўленне яе вопыту ў дэкаратыўнай творчасці, распавяла пра засвоеныя ёй і яе навучэнцамі віды і тэхнікі ДПМ, прадставіла вырабы на выстаўцы. А падзівіцца было на што – вышыўка, работы з бісеру, тэкстылю, фоамірану, бумажнай лазы. І ўсе вырабы – эстэтычныя, прыгожыя, якасныя.
Ужо неаднаразова ў падобных артыкулах расказвалася пра энтузіязм, настойлівасць, уменне працаваць над сабой у Алены Уладзіміраўны, пра яе жаданне да самаўдасканальвання і яе ўменне далучаць да дэкаратыўнай творчасці дзяцей і дарослых.
А. У. Кандраценка разам з членамі аматарскага аб’яднання “Фантазія” з’яўляюцца пастаяннымі ўдзельнікамі раённых конкурсаў і іх пераможцамі ў розных намінацыях.
У рамках конкурсу Алена Ўладзіміраўна правяла для сваіх калег майстар-клас па рабоце з фоаміранам – пазнаёміла з яго ўласцівасцямі і відамі, прадэманстравала віды яго апрацоўкі і арганізавала занятак па выкарыстанню гэтага матэрыялу. У выніку атрымаўся букет рамонкаў і былі засвоены ўсе этапы работы і тэхналогія вырабу кветкі.
Аматар дэкаратыўна-прыкладной творчасці падзялілася сваімі марамі і планамі, адказала на пытанні калег і пачула многа станоўчых ацэнак ад іх.
ВАЛЯНЦІНА МАРЧАНКА,
метадыст Краснапольскага РЦК
Присоединяйтесь к ОК, чтобы подписаться на группу и комментировать публикации.
Нет комментариев