“Жыву табой, мая Радзіма”, - на такую тэму прайшла творчая справаздача Госкага сельскага Савета депутатаў. Як заўсёды, творча і таленавіта прадставіла сваю дзейнасць мясцовая клубная ўстанова – Горскі СДК, які працуе пад кіраўніцтвам загадчыцы ўстановай В. І. Гомаравай.
Клубная ўстанова гасцінна расчыніла дзверы для прэзентацыі захапленняў і працавітасці сваіх вяскоўцаў. Сапраўды, нямала ў вёсцы Горы жыло і жыве прыгожых людзей – прыгожых на таленты, працу, творчасць. Выставка-прэзентацыя “Таленты маёй вёскі” парадавала прысутных этнаграфічнымі зборамі і дэкаратыўнымі работамі клубнага фарміравання “Іскусніца” Горскага СДК, якое працуе пад кіраўніцтвам Л. У. Васільковай, уразіла шыкоўнымі посцілкамі з калекцыі жыхаркі вёскі Г. Мельнікавай.
Прываблівала і пахам, і відам кулінарная выстаўка. І чаго толькі на ёй не было: і сладасці – для душы і радасці, і сыры мясцовых сыравараў, і духмяныя хлябы і караваі.
Дзяцей прываблівалі “петушкі на палачках” Галіны Мельнікавай – прысмака, вядомая з даўніх часоў, якую гатавалі з цукру. Старэйшыя жыхары вёскі Горы добра памятаюць, як на вясковым кірмашы, які ладзіўся ў гэтай вёсцы ў дзень свята Дзясятуха іх куплялі нарасхват, каб парадаваць дзяцей, якія так чакалі “петушка на палачцы”.
Ірына Аляксеенка зноў, як і ва ўсе часы, прадэманстравала сваё ўмельства выпякання цудоўных караваяў – духмяных і прыгожых.
А вось Людміла Васількова выпякаць свой хлеб пачала не так даўно, але які ж прыгожы і смачны ён у яе атрымліваецца! Зірнеш – і слінкі бягуць!
Работнікі клубнай установы заўсёды рады падтрымаць сваіх таленавітых вяскоўцаў! Гэта важна – бачыць людзей, цаніць іх дасягненні, цаніць унёсак кожнага ў жыццё роднага кутка, у развіццё сваёй старонкі.
Паклапаціліся клубныя работнікі і пра дэманстрацыю сваіх дасягненняў у аматарскай мастацкай творчасці. У канцэртнай праграме гучалі песні і мастацкае слова ў выкананні і вопытных аматараў сцэны з ліку насельніцтва, і пачынаючых.
Ларыса Важная, Сяргей Хаціменка, Наталля Чарткова, Людміла Васількова, Вольга Гомарава – салісты, добра вядомыя ў вёскі Горы і ў вёсках зоны абслугоўвання. Работа клубных работнікаў з юнымі талентамі прынесла свае вынікі – на справаздачным канцэрце прысутных парадаваў юны саліст-вакаліст Ягор Васількоў.
Дасуг – выбар кожнага чалавека. А зрабіць яго добраякасным, напоўненым творчасцю і прыгажосцю клубныя работнікі Горскага СДК умеюць і робяць гэта.
ВАЛЯНЦІНА МАРЧАНКА
Присоединяйтесь к ОК, чтобы подписаться на группу и комментировать публикации.
Комментарии 2