Нягледзячы на паважаны ўзрост, мужчына па-ранейшаму працуе механізатарам у сваёй роднай гаспадарцы ААТ «Ельня-Агра».
— Многія з мяне пасмейваюцца, — шчыра кажа ветэран працы. — Маўляў, сядзеў бы спакойна на пенсіі і адпачываў. Але я не такі чалавек, бо ведаю, што яшчэ ёсць сілы, каб дапамагчы сельгаспрадпрыемству.
Адразу пасля прыходу з арміі Мікалай пачаў працаваць на трактары. Першым, як успамінае сам юбіляр, быў маленькі калёсны «Беларус» МТЗ-2. Вельмі ганарыўся малады хлопец гэтым фактам, бо ў асноўным механізатары працавалі на гусенічных трактарах. Не шукаў мужчына лёгкага хлеба ў чужых краях, не змяніў родныя краявіды на гарадскую мясцовасць. Ажаніўся на сваёй зямлячцы Антаніне. З ёй выхавалі трох сыноў, якія і цяпер побач з бацькам. Дарэчы, адзін з іх, Міхаіл, працуе кіраўніком ААТ «Ельня-Агра».
— У свой час мяне, як перадавога механізатара гаспадаркі, нават выбралі старшынёй пярвічнай прафсаюзнай арганізацыі былога калгаса імя Калініна, — працягвае мой суразмоўца. — Але кіруючая пасада не па мне, шчыра кажучы, бо люблю сваю мезанізатарскую справу, люблю і паважаю працу на зямлі.
Дарэчы, Мікалай Якімовіч кіруе рычагамі адзінага ў раёне гусенічнага трактара ДТ-75. Пільна сочыць мужчына за сваёй тэхнікай, нікому яе не давярае.
— Калі Бог дасць здароўя, то яшчэ папрацую, — упэўненым голасам прамовіў Мікалай Якімовіч. — Чалавек пры справе заўсёды запатрабаваны ў грамадстве, гэта падаўжае яго век.
http://www.klich.by/?p=133495 ) работы по благоустройству территории кладбища в агрогородке Бильдюги🍏🍎🍏
Присоединяйтесь к ОК, чтобы подписаться на группу и комментировать публикации.
Комментарии 16