Яго ведаюць далёка за межамі нашага раёна. Сваё 85-годдзе сустрэў Заслужаны работнік народнай адукацыі БССР, Выдатнік народнай асветы, Выдатнік асветы СССР, былы дырэктар Лужкаўскай сярэдняй школы Мілецій Андзілеўка.
Нарадзіўся мужчына ў вёсцы Баравое, дзе і цяпер пражывае разам са сваёй спадарожніцай жыцця жонкай Надзеяй. Дарэчы, разам яны ўжо 61 год.
7 мая Мілецій Андзілеўка сустрэў свой чарговы юбілейны дзень нараджэння. Паважанаму ў грамадстве чалавеку споўнілася 85 гадоў. Многа гэта або мала? Напэўна, як і для любога чалавека, гэта значны адрэзак часу, у якім было мноства ўзлётаў, перамог, радасцяў і светлых дзён. Агульны працоўны стаж юбіляра складае 46 гадоў, з якіх 13 ён займаў пасаду дырэктара Лужкаўскай СШ. Пад яго кіраўніцтвам школа ў аграгарадку неаднаразова адзначалася як адна з лепшых навучальных устаноў краіны. Дзякуючы нястомнай працы настаўніцкага і вучнёўскага калектываў, разам з мясцовым лясніцтвам была адкрыта экалагічная сцежка па вывучэнні прыроды роднага краю, Музей прыроды. На пастаяннай аснове вялося цеснае супрацоўніцтва паміж школай і Батанічным садам.
Акрамя шматлікіх званняў, грамат і падзяк дырэктар Лужкаўскай СШ быў узнагароджаны медалём Францыска Скарыны пад нумарам 1. Гэтым фактам ён вельмі ганарыцца.
У дзень свайго юбілею, азіраючыся на пройдзены шлях, імяніннік падкрэслівае, што за ўсе свае дасягненні ён удзячны і настаўнікам, і вучням. У з’яднаным калектыве заўсёды панавалі згода, узаемавыручка і ўзаемадапамога — фундамент плённай працы навучальнай установы.
Кіраўніцтва раёна не змагло абыйсці ўвагай юбілейную дату былога кіраўніка Лужкаўскай СШ. Намеснік старшыні райвыканкама, дэпутат раённага Савета дэпутатаў Юрый Васілеўскі ўручыў імянінніку Падзяку кіраўніка раёна за шматгадовую добрасумленную працу ў галіне адукацыі, значны асабісты ўклад па навучанні і выхаванні падрастаючага пакалення, актыўную жыццёвую пазіцыю. Да віншаванняў далучылася таксама старшыня раённага Савета ветэранаў Ірына Міхалёнак, старшыня Лужкаўскага сельвыканкама Таццяна Краснадубская.
Не забываюць свайго былога калегу настаўнікі школы, вучні, якім ён даў пуцёўку ў шырокае самастойнае жыццё. Наогул, дом Мілеція і Надзеі Андзілеўкаў заўсёды гасцінна адкрыты для шчырых і сардэчных людзей.
http://www.klich.by/?p=133283 ) ежегодный районный фестиваль детского и юношеского творчества «Цветные сны».
...http://www.klich.by/?p=133199 ) торжественная церемония открытия после проведения капитального ремонта моста через реку Янка.
...http://www.klich.by/?p=133193 ) в число победителей республиканского смотра санитарного состояния и благоустройства населенных пунктов
Присоединяйтесь к ОК, чтобы подписаться на группу и комментировать публикации.
Комментарии 7