🌹🍀🌹 ПРАВОСЛАВНЫЙ ЦЕРКОВНЫЙ КАЛЕНДАРЬ.

🌹🍀🌹
ВТОРНИК, 10 МАЯ 2022 ГОДА. (27 АПРЕЛЯ 2022 ГОДА ПО СТАРОМУ СТИЛЮ). СЕДМИЦА 3-Я ПО ПАСХЕ, ГЛАС ВТОРЫЙ. ПОСТА НЕТ.(ТРОПАРИ, КОНДАКИ, ВЕЛИЧАНИЯ, МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ ВО ВТОРНИК).
Ап. и сщмч. Симеона, еп. Иерусалимского, сродника Господня (107). Прп. Стефана, игумена Печерского, еп. Владимиро-Волынского (1094). Прав. Евлогия странноприимца (IV). Прп. Иоанна, игумена кафаров (чистых). Иконы Божией Матери "Казанской" в деревне Александровке (С-Пб). Свт. Серафима, еп. Фанарского. Сожжение турками св. мощей прп. Саввы Сербского. Новомч. Илии Ардуниса, Афонского (Греч.). Новосщмч. Илариона (Троицкого), архиеп. Верейского.
МОЛИТВЫ ЧИТАЕМЫЕ ВО ВТОРНИК.
ТРОПАРЬ КРЕСТИТЕЛЮ И ПРЕДТЕЧЕ ИОАННУ, ГЛАС 2
Па́мять пра́веднаго с похвала́ми, / тебе́ же довле́ет свиде́тельство Госпо́дне, Предте́че: / показа́л бо ся еси́ вои́стинну и проро́ков честне́йший, / я́ко и в струя́х крести́ти сподо́бился еси́ Пропове́даннаго. / Те́мже за и́стину пострада́в ра́дуяся, / благовести́л еси́ и су́щим во а́де Бо́га, я́вльшагося пло́тию, / взе́млющаго грех ми́ра / и подаю́щаго нам ве́лию ми́лость.
КОНДАК КРЕСТИТЕЛЮ И ПРЕДТЕЧЕ ИОАННУ, ГЛАС 2
Проро́че Бо́жий и Предте́че благода́ти, / главу́ твою́, я́ко ши́пок свяще́ннейший от земли́ обре́тше, / исцеле́ния всегда́ прие́млем, / и́бо па́ки, я́коже пре́жде, / в ми́ре пропове́дуеши покая́ние.
ТРОПАРЬ В НЕДЕЛЮ 3-Ю ПО ПАСХЕ, ЖЁН МИРОНОСИЦ,
ГЛАС 2
Егда́ снизше́л еси́ к сме́рти, Животе́ Безсме́ртный,/ тогда́ ад умертви́л еси́ блиста́нием Божества́./ Егда́ же и уме́ршия от преиспо́дних воскреси́л еси́,/ вся си́лы небе́сныя взыва́ху:\ Жизнода́вче Христе́ Бо́же наш, сла́ва Тебе́.
Слава: Благообра́зный Ио́сиф с дре́ва снем Пречи́стое Твое́ те́ло,/ плащани́цею чи́стою обви́в,/ и благоуха́ньми во гро́бе но́ве закры́в положи́;/ но тридне́вен воскре́сл еси́, Го́споди,\ подая́й ми́рови ве́лию ми́лость.
И ныне: Мироно́сицам жена́м при гро́бе предста́в а́нгел, вопия́ше:/ ми́ра ме́ртвым суть прили́чна/ Христо́с же истле́ния яви́ся чуждь./ Но возопи́йте: воскре́се Госпо́дь,\ подая́й ми́рови ве́лию ми́лость.
КОНДАК В НЕДЕЛЮ 3-Ю ПО ПАСХЕ, ЖЁН МИРОНОСИЦ,
ГЛАС 2
Ра́доватися мироно́сицам повеле́л еси́,/ плачь прама́тере Евы утоли́л еси́/ воскресе́нием Твои́м, Христе́ Бо́же,/ апо́столом же Твои́м пропове́дати повеле́л еси́:\ Спас воскре́се от гро́ба.
ВЕЛИЧАНИЕ (АЩЕ ХРАМ).
Велича́ем вас святы́я мироно́сицы, и чтим святу́ю па́мять ва́шу: вы бо мо́лите о нас Христа́ Бо́га на́шего.
ТРОПАРЬ АПОСТОЛУ И СВЯЩЕННОМУЧЕНИКУ СИМЕОНУ, ГЛАС 1
Христо́ва тя сро́дника, Симео́не священнонача́льниче,/ и му́ченика тве́рда свяще́нно восхваля́ем,/ пре́лесть потреби́вшаго/ и ве́ру соблю́дшаго./ Те́мже, днесь всесвяту́ю твою́ па́мять пра́зднующе,/ грехо́в разреше́ние моли́твами твои́ми прие́млем.
ИН ТРОПАРЬ АПОСТОЛУ И СВЯЩЕННОМУЧЕНИКУ СИМЕОНУ, ГЛАС 4
В ми́ре ра́дуешися, Симео́не Иерусали́мский,/ любе́зно Христу́ Бо́гу,/ те́ло душе́вное чи́сто сохрани́в,/ претерпе́вый страсть теле́сную, долготерпели́ве, кре́пко,/ и в коне́ц на кресте́ ра́спят бысть./ Ты бо, И́стинному Рачи́телю подо́бяся,/ и от ми́ра ско́ро отлучи́ся,/ лю́тыя я́звы на себе́ понесе́/ и мо́лишися о душа́х на́ших.
КОНДАК АПОСТОЛУ И СВЯЩЕННОМУЧЕНИКУ СИМЕОНУ, ГЛАС 4
Я́ко звезду́ преве́лию, Це́рковь, иму́щи днесь Богоглаго́ливаго Симео́на,/ светово́дится, зову́щи:/ ра́дуйся, му́чеников честны́й ве́нче.
ВЕЛИЧАНИЕ АПОСТОЛУ И СВЯЩЕННОМУЧЕНИКУ СИМЕОНУ.
Велича́ем тя,/ апо́столе Христо́в Симео́не,/ и чтим боле́зни и труды́ твоя́,/ и́миже труди́лся еси́/ во благове́стии Христо́ве.
ТРОПАРЬ ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ,
ГЛАС 8
Уче́нию повину́яся Богоно́снаго Феодо́сия,/ поста́влен бысть от него́ вождь бы́ти свято́му его́ ста́ду, е́же до́бре пасы́й,/ це́рковь Богоро́дицы, во́лею Тоя́ осно́ванную чу́дне,/ соверши́л еси́ благоле́пно,/ приснопа́мятне Стефа́не,/в не́йже нам, моля́щимся, испроси́ от Христа́ Бо́га ве́лию ми́лость.
ИН ТРОПАРЬ ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ,
ГЛАС 8
Правосла́вия наста́вниче,/ благоче́стия учи́телю и чистоты́,/ Волы́нския па́ствы свети́льниче,/ архиере́ев Богодухнове́нное удобре́ние,/ Стефа́не прему́дре,/ уче́ньми свои́ми вся просвети́л еси́, цевни́це духо́вная,/ моли́ Христа́ Б́ога спасти́ся душа́м на́шим.
ИН ТРОПАРЬ ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ,
ГЛАС 2
Я́ко сый Богоно́снаго Феодо́сия учени́к/ и и́стинный жития́ его́ подража́тель,/ пе́рвый по нем бре́мя настоя́тельства понесы́й,/ те́мже и моще́й его́ честны́х самови́дец бы́ти сподо́бился еси́,/ я́же с про́чими святоле́пно прине́с,/ насле́дил еси́ с те́мже Ца́рство Небе́сное,/ Éже получи́ти и нам, чту́щим тя, Стефа́не,/ Го́сподеви моли́ся.
КОНДАК ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ, ГЛАС 6
Зави́дя враг честно́му ти житию́,/ изри́нул тя бя́ше злоко́знством свои́м от нача́льства па́ствы,/ но ты, изгна́н быв,/ и на ино́м ме́сте це́рковь Богоро́дицы воздви́гл еси́,/ за что и Та са́ном почте́ тя архиере́йства,/ в не́йже ты до́бре упа́с вруче́нная ти о́вцы,/ пре́йде во весе́лии ко Христу́, Стефа́не,/ Ему́же моли́ся о нас, рабе́х твои́х.
ИН КОНДАК ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ,
ГЛАС 1
Проходя́, всеблаже́нне, доброде́тельми от си́лы в си́лу/ и всех, с тобо́ю су́щих, о́ными провозвыша́я,/ всем служи́л еси́, Стефа́не, и угожда́л,/ тем избра́н был еси́ всем,/ в дому́ Бо́жия Ма́тере су́щим, в старе́йшину./ Последи́ же и на степе́нь архиере́йства возведе́н был еси́,/ и, ста́до Христо́во до́бре упа́с,/ моли́ Его́ о нас, ча́дех твои́х.
ИН КОНДАК ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ,
ГЛАС 4
Стефа́н, испо́лнь ве́ры и благоче́стия,/ соверши́тель Бо́гом основа́нныя це́ркве Пече́рския,/ днесь, я́ко вели́кое свети́ло, всем возсия́,/ Христо́во ста́до богоуго́дно упа́с/ в неусы́пных стра́жех нощны́х./ Его́же чту́ще, прино́сим песнь/ еди́ному Тебе́, Христу́, всех Влады́це,/ моля́ще поми́ловати нас/ того́ благоприя́тными моли́твами.
ВЕЛИЧАНИЕ ПРЕПОДОБНОМУ СТЕФАНУ, ИГУМЕНУ ПЕЧЕРСКОМУ, ЕПИСКОПУ ВЛАДИМИРО-ВОЛЫНСКОМУ.
Ублажа́ем тя,/ преподо́бне о́тче Стефа́не,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
МЫСЛИ СВЯТИТЕЛЯ ФЕОФАНА ЗАТВОРНИКА ЧИТАЕМЫЕ ВО ВТОРНИК.
(Дея.8, 5–17; Ин. 6, 27–33). “Уверовал и сам Симон и крестившись не отходил от Филиппа”. И веровал и крестился, а ничего не вышло из него. Надо думать, что в строе веры его было что-либо недолжное. Вера искренняя отрицание своего ума. Надо ум оголить и как чистую доску представить вере, чтобы она начертала себя на нем как есть, без всякой примеси сторонних речений и положений. Когда в уме остаются свои положения, тогда по написании на нем положений веры окажется в нем смесь положений: сознание будет путаться, встречая между действиями веры и мудрствования ума. Таков и был Симон — образчик для всех еретиков; таковы и все, с своими мудрованиями вступающие в область веры, как прежде, так и теперь. Они путаются в вере, и ничего из них не выходит, кроме вреда: для себя — когда они остаются безгласными, для других — когда не удерживается в них одних эта путаница, а прорывается наружу по их жажде быть учителями. Отсюда всегда выходит партия лиц более или менее погрешающих в вере, с несчастною уверенностию в непогрешимости и бедственным позывом всех переделать на свой лад.