ПОСТ
НАВЭНА ЗА НАЦЫЮ ДА НАЙСВЯЦЕЙШАЙ ПАННЫ МАРЫІ (для прыватнага чытання)
Знак Крыжа (У iмя Айца i Сына i Духа Святога)
МОЛІМСЯ Ў ІНТЭНЦЫІ: шчырага пакаяння і навяртання кожнага беларуса да Бога, аб ўстанаўленні міру, справядлівасці і закону на Беларусі, аб адкрытасці сэрцаў беларусаў на Любоў Бога і аб трыўмфе Беззаганнага Сэрца Марыі ў жыцці кожнага з нас, аб ВОЛІ БОЖАЙ ДЛЯ БЕЛАРУСІ !
Штодзённая малітва:
О Усемагутная Тройца, мы аддаем Рэспубліку Беларусь у рукі Беззаганнай Марыі, каб Яна магла прадставіць нашу краіну Табе. Праз Яе мы хочам падзякаваць Табе за багатыя прыродныя рэсурсы гэтай краіны і за свабоду, якая з'яўляецца яе спадчынай. Праз пасрэдніцтва Марыі будзь міласэрны да Каталіцкага Касцёла Беларусі. Адары нас мірам. Будзь міласэрны да нашага прэзідэнта і да ўсіх прадстаўнікоў урада. Дай нам плённую эканоміку, заснаваную на справядлівасці і дабрачыннасці. Будзь міласэрны да фінансаў, прамысловасці і працоўных рэсурсаў краіны. Абарані жыццё сем'яў нашай нацыі. Захавай у нас каштоўны дар святарскіх і законных пакліканняў. Праз заступніцтва нашай Мамы будзь літасцівы да нямоглых, бедных, спакушаных, грэшнікаў - да ўсіх, хто знаходзіцца ў патрэбе. Марыя, Беззаганная Дзева, наша Мама, Заступніца нашай зямлі, мы праслаўляем Цябе, шануем Цябе і аддаем сябе Табе. Абарані нас ад любой шкоды. Маліся за нас, каб мы заўсёды дзейнічалі ў адпаведнасці з Тваёй воляй і воляй Твайго Боскага Сына, каб мы маглі жыць і паміраць, узносячы хвалу Пану. Амэн.
ДЗЕНЬ 1. БЕЗЗАГАННАЕ ЗАЧАЦЦЕ БОЖАЙ МАЦІ
"Уся прыгожая ты, каханая мая, і плямы няма на табе!" (Спеў Спеваў 4, 7)
Тваёй абароне аддаёмся ...
МАЛІТВА (1)
Пане, Айцец Усемагутны, у момант нашага зачацця Ты палюбіў кожнага з нас, каб мы нарадзіліся. Ты любіў Марыю Боскім чынам у момант Яе беззаганнага зачацця, асланіўшы Яе ад атрымання ў спадчыну граху Адама за будучыя заслугі Збавіцеля. Ты падрыхтаваў Марыю ў Яе зачацці стаць Маці і сябрам Твайму Сыну, і быць нашай любячай Маці. Дай усім людзям адчуць Найглыбейшую пашану Тваёй прысутнасці і Тваёй творчай рукі ў зачацці чалавецтва. Дапамажы ўсім распазнаць зло аборта і кантрацэпцыі, і ўсіх грахоў, якія крыўдзяць нашага Бога Творцу. У матчыных абдымках Марыі няхай кожны беларус паспрыяе ушанаванню чалавечага жыцця ў нашай краіне. Мы просім аб гэтым у імя Езуса Хрыста, Пана нашага. Амэн.
Молiмся Ружанец. Вяночак да Божай Мiласэрнасцi.
Напрыканцы молiмся:
Маці Божая Будслаўская, Каралева Беларусі, маліся за нас!
Святы Казімір каралевіч, маліся за нас!
Святы Ян Павал ІІ, маліся за нас!
Святы Андрэй Баболя, маліся за нас!
Святы Язафат Кунцэвіч, маліся за нас!
Святы Рафал Каліноўскі, маліся за нас!
Святы Максіміліян Кольбэ, маліся за нас!
Святая Тэрэза Бэнедыкта Крыжа, маліся за нас!
Блаславёныя сёстры-мучаніцы назарэтанкі з Навагрудка, маліцеся за нас!
Святыя арханёлы Мiхал, Рафал, Габрыэль, малiцеся за нас!
Святы Юзаф, маліся за нас!
Маці Божая Новага Жыцця, маліся за нас!
http://www.cathmos.ru/files/docs/vatican_documents/catechesis.pdf #катехезис
Присоединяйтесь к ОК, чтобы подписаться на группу и комментировать публикации.
Нет комментариев