TOP KZ Retail E-Commerce 2020 ірі қазақстандық сауда интернет-алаңдарының ренкингінде

Kaspi.kz үшінші жыл қатарынан бірінші орынға ие болды. Kaspi.kz басшысы әрі негізін қалаушылардың бірі Михаил Ломтадзе былайша түсіндіріп өтті:

«Қазірдің өзінде 8,5 миллионнан астам қазақстандық ай сайын Kaspi.kz суперқосымшасын пайдаланады. Біздің командамыз еліміздегі ең ірі электрондық коммерция алаңы – Kaspi.kz-тегі Магазинді белсенді түрде дамытуда. Біз жеткізу географиясын Қазақстанның 54 қаласына дейін кеңейттік және тауардың түрін шамамен 400 000-ға дейін арттырдық. Осы жылдың 8 айында біздің сүйікті клиенттеріміз 200 миллиард теңгеге жуық 2,6 миллион онлайн сауда жасады. Kaspi.kz-тегі Магазинде сатып алу сомасы өткен жылмен салыстырғанда 125%-ға, ал саны бойынша 150%-ға өсті».
«Коронавирус пандемиясына байланысты бөлшек сауда шектелген қазіргі жағдайда біздің интернет-дүкеніміз көптеген қазақстандық компаниялар үшін негізгі қолдау платформасы болып табылады. Біз серіктестерімізге сатуға, осылай өз бизнесін дамытуға және жұмыс орындарын сақтап қалуға көмектесеміз. Біздің сүйікті клиенттеріміз бен серіктестеріміздің әрқайсысына бізбен бірге болғаны үшін рақмет айтамыз!» - деді Михаил Ломтадзе. Kaspi.kz қазақстандық түрлі тауар өндірушілермен белсенді жұмыс жасайды. Электрондық коммерцияның жетекші платформасына: Qazaq republic (киім), Астау (ыдыс), BALAUSA jewelry (зергерлік бұйымдар), BEKZAT sport (спорт тауарлары), VEGA (зергерлік бұйымдар мен аксессуарлар), GLASMAN (киім), kassenova atelier (киім), DiDi Style (киім), EMPIRE (кәдесый өнімдері), Қазақювелир (зергерлік бұйымдар), AVERO матрас фабрикасы (матрастар), MIMIORIKI (балалар тауарлары), Отан (сағаттар), ОЮ (кілемдер), SMAN (аяқкиім) және басқа да көптеген танымал қазақстандық брендтер мен компаниялар қосылды.
Сондай-ақ adidas, O’STIN, UGG, new balance, СПОРТМАСТЕР, KOTON, ALDO, SKECHERS, ecco, DECATHLON, DeFacto, Marks & Spencer, Nike, Reebok сияқты және басқа да көптеген танымал халықаралық брендтер Kaspi.kz арқылы сатады.
TOP KZ Retail E-Commerce ренкингін жыл сайын Forbes Kazakhstan іскерлік журналы Baker Tilly Kazakhstan халықаралық консалтингтік компаниясымен және Цифрлық Қазақстан қауымдастығымен (ЦҚҚ) бірлесіп құрастырады.