Предыдущая публикация
" Туйд ёшэ"
Эй вирод дунёта тизд нур бехабар,
Хац ҷинов равӯната лап бесамар,
Кудакэ дед маш баёд, ҷӯн мис цирафст,
Пирам сатат наред аз ёш асар!
Қад хам сут,ғунҷ сафед, ҷисм сут хазӯн,
Калта дард кихт, подта дард кихт то пи зӯн,
Цэм торик, ғӯғ вазмин, нист қувват,
Нӯмта дӯнд рист аз муят туйа нихӯн.
Ёшэ туйдат маш фирихта мис
зибуд,
Ёше дастур умрэ ширин мис навуд,
То пи куят, то пи пухта ё пи тах,
Чахмалавтирам мудӯм ху пиц фируд.
Йэл тар йэл, тах тар тах, ях тар ях,
Нимэ гардаям ху байнардэ чу бах,
Пухтайенардам аҷаб жехт, му баёд,
Жизам миздху ца жехтам пис ху вах.
Молпейдат, жизкрехт вуд маш унар,
Жиз авенам тойд пи пухта цӯнд нафар,
Дастҷамам вадат, тифоқат амга дуст,
Якдигарардам палӯн вад аз хатар.
Эй Қадам фукаф тулӯ йид худм вуд,
Тезикаф пидид тулӯ йид цудм вуд,
Шукрэ лӯвам, то нурец дунёярд,
Ёше аранг худм аз ҷисманд зибуд!!
(Қадам Кабутаршо. 28.11.2023.ш. Душанбе)
Следующая публикация
Комментарии 6