НА МАЛЬБЕРЦЕ ЖЫЦЦЯ

Невялічкі правінцыйны гарадок Іванава. Немітуслівы, пераважна аднапавярховы, утульны. Але і ён мае свой адметны характар, самабытную прывабнасць. Незвычайныя па архітэктурным рашэнні збудаванні, адмысловыя помнікі дый проста жывапісныя пейзажы, на якіх неўпрыкмет пакідае свой спецыфічны адбітак усемагутны час, так ці інакш змяняючы аблічча населенага пункта. Толькі ў памяці людской зберагаецца яго ранейшы воблік. Ды памяць, як і ўвогуле жыццё чалавечае, субстанцыя ненадзейная: паступова сціраецца, раствараецца ў нетрах вякоў. http://www.janow.by/gazeta-yana-ski-kraj/nashi-rubriki/kultura/na-malbertse-zhytstsya