ЖАРКЫРАГЫМ

Жалындап үмүт болуп шам чырагым,
Жылдыздай жан дүйнөмө жаркырадың.
Жылыткан муздап калган сезимдерди,
Жашоомдо жан болдуң го Жаркырагым.
Жашырбай айтып жаным бар сырларым,
Жүрөгүм сага гана тартыларын.
Жаркытып жан дүйнөңдүн сулуулугун,
Жаңы ырлар жаза берем Жаркырагым.
Жарыгы күндүн сымал жаркырадың,
Жан дүйнөм көлдөй болуп чалкыганын.
Жапжаңы арнап сага жаздым ырым,
Жамгырдын кошуп туруп тамчыларын.
Ыргагын сезимдердин коштоп алып,
Ыр кылып жаздым сени Жаркырагым.
Жазган: Жыргалбек Усенов. 19.08.2025
23:35 Москва