САГЫНДЫМ ЖАШТЫГЫМДЫ

Өмүрдүн келечегин,
Кыялда ойлоп турган.
Көңүлдө эч кири жок,
Сезимдер ойноп турган.
Таптаза тунук ойлор,
Жүрөктү козгоп турган.
Сагындым жаштыгымды,
Аруулук коштоп турган.
Дем берип алды жакка,
Жашоого үндөп турган.
Көөдөндө үн жаңырып,
Кубантып сүйлөп турган.
Бүчүрүн жаңы ачкан,
Алмадай бүрдөп турган.
Сагындым жаштыгымды,
Бакчадай гүлдөп турган.
Кири жок булуттардай,
Көктөгү калкып турган.
Ушагы, жалганы жок,
Дүйнөгө тартып турган.
Мемиреп толкуну жок,
Көл сымал чалкып турган.
Сагындым жаштыгымды,
Тазалык артып турган.
Аруулук коштоп турган,
Сагындым жаштыгымды.
Жазган: Жыргалбек Усенов. 09.08.2025.
15:30 Москва