ӨЗҮҢҮДҮ ОЙЛОП, ӨЗҮҢДҮ СҮЙҮП

Өкүнүч, арман жүрчү эле коштоп,
Өчүрдүң аны, сүйүүмдү козгоп.
Өткөрөм жаным өмүрдү сен деп,
Өзгөнү эмес, өзүңдү ойлоп.
Өрт болуп сезим жалындап күйүп,
Өксүбөй азыр жадырап күлүп.
Өмүрдүн турам кызыгын сезип,
Өзгөнү эмес, өзүңдү сүйүп.
Өзүң бар үчүн жашоомду кооздоп,
Өкүбөй калдым муңканып боздоп.
Өмүрдөн жаным өтөмүн эми,
Өзгөнү эмес, өзүңдү ойлоп.
Өр тартат өмүр, жаныңда жүрүп,
Өзүңө жаным башымды ийип.
Өмүрлөш кылып ардактап өтөм,
Өзгөнү эмес, өзүңдү сүйүп.
Өзүңдү ойлоп, өзүңдү сүйүп.
Жазган: Жыргалбек Усенов. 27.07.2025
02:14 Москва.