Праект накіраваны на актыўную папулярызацыю дзейнасці клубных устаноў раёна, абнаўленне культурнага жыцця раёна, папулярызацыю твораў ваенна-патрыятычнай тэматыкі.
У сакавіку-красавіку на месцах у клубных установах раёна праводзіцца I тур агляду-конкурсу.
Амяльнянскі СДК першы распачаў удзел у праекце «Наша хата на таленты багата» і паказаў сваю праграму 29 сакавіка. Усе творчыя калектывы Дома культуры паказалі добрыя вынікі сваёй дзейнасці, якая вылілася ў цікавую дзею на сцэне. Дзеці і дарослыя былі ў прыгожым нацыянальным убранні і сустракалі з гасцінцамі.
Хадакоўскі СДК таксама парадаваў канцэртнай праграмай, у тым ліку вакальнымі нумарамі. А яшчэ прадставіў работы мясцовых рукадзельніц – ручнікі, дываны і нават абразы з бісеру.
Зеленаборскі сельскі клуб паказаў артыстаў, якія спявалі сола і ансамблем. А таксама можна было ўбачыць выстаўку з рознымі вырабамі, саломапляценнем, ручнікамі, якія стварылі ўдзельнікі гурткоў і аматарскіх аб’яднанняў.
Сачыце за нашымі навінамі, мы і далей будзем расказваць, чым уражвалі камісію таленты з розных куточкаў нашага раёна.
Присоединяйтесь к ОК, чтобы подписаться на группу и комментировать публикации.
Нет комментариев