Масжид Ал-Ҳарам Маккада жойлашган бўлиб, барча мусулмонларнинг энг муқаддас ибодатхонаси ҳисобланади.

Масжиднинг ички ҳовлисида Каъба жойлашган. Каъба атрофида биринчи масжиднинг қурилиши 638 йилда амалгаоширилган. Ўшандан бери масжид бир неча марта қайта қурилган. Ал-Ҳарам масжиди бизнинг кунлардаги кўринишида 1570 йилда қурилган. Дастлаб масжид 6 та минорага эга бўлган, бироқ Истанбулда Кўк масжидда ҳам 6 та минора қурилгандан кейин, Макка имоми ҳеч қайси бир масжид мусулмонларнинг бош масжиди Ал-Ҳарам билан тенглаша олмаслиги учун буни шаккоклик деб атаган. Ўшандасултон Аҳмад масжиднинг 7-минорасини қуришга буйруқ берган.Ҳаж амалини адо этувчилар сони йилдан-йилга ортиб боргани сабабли, 1980 йилда масжиднинг жануби-ғарбий томонида яна иккита минорага эга корпус барпо этилган, ёндош ҳудудлар кенгайтирилган.Бугунги кунда Ал-Ҳарам 309 минг кв метр майдонга эга катта иншоот бўлиб, 9та минора эга. Уларнинг ҳар бирининг баландлиги 95 метрни ташкил қилади. Масжид ичига 4 та катта дарвоза орқаликирилади, улардан ташкари яна 44 та кичик эшиклар мавжуд. Масжидда 7 та эскалатор ишлаб туради, ҳаво эса юзлаб кондиционерлар ёрдамида янгилаб турилади. Масжид ўз ичига 700 минг кишини сиғдира олади.