Дуоларга қоришиб сўзи,

Кўзёшлардан ювилар юзи.
Бешикларга қотмайин кўзи,
Фарзандсизга фарзанд бер Худо!
Болам дебон сўзлашга зор тил,
Минг ўйловда хаста бўлган дил.
Бўлармикин муроди ҳосил?!
Фарзандсизга фарзанд бер Худо!
Ҳаловатин унутиб қўйган,
Бировларнинг боласин суйган,
Фарсандсизлик доғида куйган,
Фарзандсизга фарзанд бер Худо!
Мен тилайман уларга тилак,
Ором олсин бағрида гўдак.
Она учун яна не керак?!
Фарзандсизга фарзанд бер Худо!