КОМИЛ
Бугун биринчи соат дарсим ўзим рахбарлик қилаётган 8 - б синфда эди. Ҳар галгидан фарқли дарсга бироз кечикиб кирдим, сабаби кираверишда илмий бўлим мудири :
- Ўқувчиларнинг даъвоматига қараб қўясизлар, байрам олди доим пасайиб кетади, аксига олиб нуқул шунақа пайт текширувчилар келгани келган.
Унга хўп ишорасини қилдим- у дарсга шошилдим. Албатта, салом- аликдан сўнг дарров йўқлама қилишга киришдим.
- Устоз, Дониёрдан бошқа хамма бор,-деди ўнг қўлим Умида.Мен унга савол назари билан боқганимни англаганидан сўнг гапини давом этди:
- Дониёрни бувиси Салима ая кеча оламдан ўтибдилар, бугун пешинга чиқаришармиш.
Кайфиятим бузилди. Салима ая анчадан бери касал ётган бўлсалар ҳам.... Бир яхши аёл эдилар. Гапларини эшитиб хеч одам тўймасди. Ўтган хафта тўртта ўқувчи билан бориб кўриб келгандик . Нега эшитмадим оламдан ўтганларини?!. Ха, бугун ўзи дарсга учма уч етиб келдим-да, кейинги пайтда шу ёзув- чизувларга кўп ўралашиб қоляпман. Эрта саҳардан қоғозга кўмилганим ёдимга тушди...
-Ўтир , дедим Умидага хорғин. У :
- Устоз , дарсдан кейин сизни кутайликми, кўнгил сўрашга бормоқчийдик синфдошлар билан, - деди худди катталардек.
- Албатта, мен иложини топишга ҳаракат қиламан ( ҳаракат қиламани нимаси албатта бораман, бу дунёни иши қачон битибдики, энди битса , таъкидладим ўзимга ўзим)
Хуллас , пешиндан кейин йўлга тушдик. Дониёрларни уйи мактабдан унча узоқ эмасди. Ўн дақиқаларда синфим ўқувчилари ҳамда лобарант Нилуфар иккимиз ҳамрохлигида уларни уйига етай деб қолдик. Бир пайт Комил исмли ўқувчим :
- Устоз , у ерга борганда майлими қуръон тиловатини мен қилсам ?!- деб сўраб қолди. Мен бирдан таққа тўхтаб Комилга тикилдим. Комил синфдаги болалардан доим ажралиб турарди. Ёшига нисбатан ўйчан, босиқ , камгап... Бошқа болалар фанни яхши билмасалар хам мен жавоб берай деб синфни бошига кўтарган ҳолларида, Комил яхши тушунган мавзусини хам жавоб беришга шошилмасди,шунинг учун хар доим мендан дакки эшитарди. Тиловат қила олармикан? Уни илтимосига нима деб жавоб беришга тараддудландим. Ўзига ишониб сўраяпти- ку, майли , раъйини қайтармай, ҳаракат қилиб кўрсин, айб бўлмас -бир тўхтамга келдим мен ва унга майли деган ишорани бердим.
Дониёрларникига кирдик. Эшик ёнидаги хонага жойлашдик. Бу пайтда аяни ерга топшириб келишган, келди- кетди тарқалган, хонадонда фақат яқин инсонлар қолганди. Аммо улар хам анчагина эди. Сўрашган бўлдик . Мен Комилга қараб ишора қилдим. Комил ҳам шуни кутиб турган экан Аста тиловотни бошлади..
У ... Ёсин сурасини тиловот қила бошлади. Бир уй одам гўёки нафас , тинглаш ва қалбга айланиб қолгандек бўлди. Мен умримда бунақа чиройли тиловатни камдан кам эшитганман. Шу тиловат Комилни оғзидан чиқяптими? Қачон ўрганган экан ? Кимдан? Менимча бу фикрларни кейин ўйладим. У вақтда эса фақат
тингладим, фақат тингладим . Кўзимга ҳеч ким, ҳеч нарса кўринмаган ҳолда . Бир пайт овозлар алмашиниб , уй эгаларининг ёши улуғ қариндошларидан бири дуо қилишга ўтгандагина , бу оламга қайтиб келдим.
Таъзияхонадан чиқганимдан кейин ҳам ҳушимни ўзига келиши қийин бўлди.
- Опа, ўқувчингиз роса чиройли тиловат қиларкан-а?!- Нилуфарнинг саволидан ўзимга келдим.
- Хааа- дедим ўйчанлик билан.
Гапимни давомини сиртимда эмас, ичимда айтдим, менимча:
- Мен бу ўқувчимга муносиб устоз бўлишим керак, муносиб...
Тамом . Нуқта. Бу ёғи ... Бир савол туғилди- да. Атрофимиздагиларни яхши танирмиканмиз ?! Бошқача баҳо бериб қўймаётганмиканмиз?!
Бииииир ўйлааааб кўриш керак.
Ўйлааааб кўриииш...
Хазонрезги..
Присоединяйтесь к ОК, чтобы подписаться на группу и комментировать публикации.
Комментарии 2
Amin
Amin
Inwaallah farzandlarimiz jannatlarda izzat tojini kiydiriwligini nasib qilsin