🌴 АЛЛОҲ УЧУН ЯҲШИ КЎРГАН БИРОДАРИНИ ҚИЙН АҲВОЛИДА ТАШЛАБ ҚЎЙМАСЛИК

-----------
🌴 АЛЛОҲ УЧУН ЎЗ БИРОДАРИНИ ЯҲШИ КЎРИШЛИК БУ АЛЛОҲГА БЎЛГАН ИБОДАТ ВА УНГА БЕРИЛГАН АҲД КЕЛИШУВДИР.
|
Агар мўмин мусулмонлар бир бирларини Аллоҳ учун яҳши кўрсалар бу улар ўртасида Аллоҳ бўлган энг буюк ибодатларнинг биридир. Лекин бу севги кўп холларда ўз тасдиғини исботини топиш учун Аллоҳ улар ўртасига синовларни беради. Кўплаб мусулмонлар ушбу имтиҳонлар сабаб бу буюк севгининг асл мазмун моҳиятидан ва унинг фазилатидан махрум бўлиб қоладилар
|
Шу ўринда аввало бир-бирини Аллоҳ учун яҳши кўришликнинг фазилатига тўҳтаб ўтамиз.
|
Набий соллаллоҳу алайҳи васаллам дедилар: “Иймоннинг энг мустаҳкам риштаси Аллоҳ учун муҳаббат ва Аллоҳ учун ёмон кўришдир”.
|
Тайялисий (783), Ибн Абу Шайба (7/80), Аҳмад (4/286) ва бошқалар Ал-Баро ибн Озибдан розиёллоҳу анҳудан ривоят қилишган. Ҳоким саҳиҳ деган (2/480). Шайҳ Албоний ҳасан деган. Қаранг: «Ас-Силсилаҳ ас-Саҳиҳа» (998, 1728).
|
Одамлар ўртасидаги муносабатларда ҳосил бўладиган энг яхши ришта бу Аллоҳ учун муҳаббат ва Аллоҳ учун нафратдир.
|
Аллоҳ Таоло айтади:
Эй иймон келтирганлар! Агар сизлардан ким ўз динидан қайтса, Аллоҳ Ўзи севадиган ва Уни севадиган бошқа қавмни келтирур. Улар мўминлар олдида хокисор, кофирлар олдида салобатлик бўлур, Аллоҳ йўлида жиҳод қиладилар ва уларни танқид қилганларнинг маломатидан қўрқмаслар. Бу Аллоҳнинг раҳмати бўлиб, уни Ўзи хоҳлаган кишига беради. Аллоҳ кенг Қамраб Олувчи ва ўта Билгувчи Зотдир. “Моида” сураси, 54-оят.
|
Абу Ҳурайра розияллоҳу анҳудан ривоят қилинади: “Расулуллоҳ соллаллоҳу алайҳи васаллам айтдилар: “Аллоҳ Таоло Ўз соясидан ўзга соя бўлмайдиган кунда етти кишини сояга олади: адолатли ҳукмдор, Аллоҳга ибодатда катта бўлган йигит; қалби масжидларга ошуфта киши, (яъни масжидларда намоз ўқишни яхши кўрадиган) бир-бирларини билан Аллоҳ учун севадиган ва ( Аллоҳ учун бир бири билан) кўришадиган ва (бир бири билан Аллоҳ учун ажраладиган (икки киши) (бу ерда ажралиш деганда ўлим назарда тутилган), ва у эркакки уни уни олижаноб ва гўзал бир аёл хохлаганда у: “Аллоҳдан қўрқаман" деган. Ўнг қўли садақа қилганда чап қўли бехабар (яъний ёлғиз Аллоҳни Юзини истаб) ва ёлғизликда Аллоҳ Таолони зикр қилганда кўзлари ёшга тўладиган (киши) ".
|
Бухорий ва Муслим ривояти.
|
Яъний Бу икки кишини бир бирига бўлган муҳаббати на қариндошлик ёки на дунёвий ишлар учун эмас, балки Ёлғиз Аллоҳ Азза ва Жаллага бўлган ишқ-муҳаббат бирлаштирган ва ўлим уларни айирмагунича бир-биридан Аллоҳ учун ажралмас эдилар.
Абу Молик Ашъарий розияллоҳу анҳудан ривоят қилинади: “Расулуллоҳ соллаллоҳу алайҳи васаллам айтдилар:
|
“Албатта, Аллоҳнинг бандалари орасида пайғамбар ҳам, шаҳид ҳам ҳам бўлмаган кишилар бор, лекин пайғамбарлар ва шаҳидлар ҳам уларни Қиёмат Кунида Аллоҳнинг ҳузуридаги юксак мавқеига ҳавас қиладилар”.
|
Шунда бадавийлардан бири ўрнидан турди ва ҳайрон бўлиб қўлларини ёйиб, пайғамбарга юзланди: “Эй Аллоҳнинг Расули, одамлар, оддий одамлар, пайғамбарлар ҳам, шаҳидлар ҳам эмаслар, пайғамбарлар ва шаҳидлар ҳам уларга ҳавас қиладилар? Бизга уларни таърифлаб беринг” деди.
|
Расулуллоҳ соллаллоҳу алайҳи васаллам табассум қилдилар ва шундай дедилар: "Улар Аллоҳ учун бир-бирларини қон ва мол қариндошлигисиз севадиган зотлардир. Аллоҳ улар учун Қиёмат Куни нурдан курсилар тайёрлаб, уларни ўтқазур ва юзларини нур билан ёритади ва уларда қўрқув бўлмайди, уларга нурдан либос берилади. Улар Аллоҳнинг суюклилар бўладилар ва уларда қўрқув ҳам бўлмайди ва улар ҳафа ҳам бўлмайдилар".
|
Имом Аҳмад “Муснад”да 5343 ривоят қилган; Шунингдек Бағовий “Шарҳ ас-Сунна”да 1350-51 ривоят қилгаг. Шайх Албоний ва Шуайб Арнаут ҳадисни ривоятчиси Шаҳр ибн Хаушабнинг хотираси заифлиги сабабли заиф деб таснифлаган. Қаранг: “Тама ал-минна” 1/166, “Муснад” 22957.
|
Аммо шунга ўхшаш маъноли яна бир саҳиҳ ҳадис бор:
|
Муоз розияллоҳу анҳудан ривоят қилинади: “Мен Расулуллоҳ соллаллоҳу алайҳи васалламнинг шундай деганларини эшитганман:
|
“Аллоҳ Таоло айтади: “Мен учун бир-бирларини яхши кўрганлар учун нур минбарлари бордир, пайғамбарлар ва шаҳидлар уларга ҳавас қиладилар!”.
|
Термизий 2390 ривояти.
“Саҳиҳ, саҳиҳ ҳадис”. Шайх ал-Албоний ҳадисни саҳиҳ деб таснифлаган. Қаранг: “Саҳиҳ ал-Жомиъ ас-Сағир” 4312, “Саҳиҳ ат-тарғиб ва-т-тарғиб” 3019/1.
|
Расулуллоҳ соллаллоҳу алайҳи васаллам айтдилар:
|
“Аллоҳ Таоло айтади: “Бир-бирини Мен учун яхши кўрганларни Мен ҳам албатта яхши кўраман. Мен учун тўпланганларни Мен албатта яхши кўраман. Мен учун бир-бирини зиёрат қилганларни албатта яхши кўраман".
|
Аҳмад (5/233, 247). Ибн Ҳиббон ҳадисни саҳиҳ деб таснифлаган (575), Ҳоким (7314), Ибн Абдул-Барр “Ат-Тамҳид” (21/125) ва Ибн Ал-Қаййим “Таҳзиб ас-сунан” (14/22). Бу ҳадис “Саҳиҳ ат-Тарғиб”да (2581, 3018) ҳам ривоят қилинган.
|
Муоз ибн Анас розиёллоҳу анҳу ривоят қиладилар: “Расулуллоҳ соллаллоҳу алайҳи васаллам айтдилар:
|
“Ким Аллоҳ учун яхши кўрса, Аллоҳ учун ёмон кўрса, Аллоҳ учун берса, Аллоҳ учун рад этса ва Аллоҳ учун никоҳ қилса, иймони комил бўлади!”
|
Аҳмад 3/440, Термизий 2521 ва Ибн Асокир 6/16 ривояти. Шайх Албоний, Шайх Муборакфурий ва Шайх Шуайб Арнаутлар ҳадиснинг саҳиҳлигини тасдиқлаганлар.
🌴 АЛЛОҲ УЧУН БЎЛГАН МУҲАББАТНИНГ ҚАДР ҚИЙМАТИ..
|
Имом Муҳаммад Носируддин ал-Албоний роҳимаҳуллоҳ
|
Савол берувчи: "Аллоҳ учун севган кишига "Мен сени Аллоҳ учун севаман" дейиш вожибми?"
|
Шайх: "Ҳа, лекин "Аллоҳ учун ишқ" қимматга тушади. Уни тўлаши мумкин бўлганлар оз. Аллоҳ учун севгининг нархини биласизми? Бу нархни биладиганлар борми? Билганлар бўлса айтсин..."
|
Йиғилганлардан бири: “Расулуллоҳ соллаллоҳу алайҳи васаллам айтдилар: “Ўзидан ўзга соя бўлмайдиган Кунда Аллоҳ етти кишини Ўз соясига олади..” Улардан иккитаси Аллоҳ учун яхши кўрадиган, фақат Унинг розилиги учун учрашиб, ажрашадиган кишилардир”.
|
Шайх: "Бу сўзлар ўз-ўзидан тўғри, аммо саволга жавоб ўрнида эмас. Булар Аллоҳ учун муҳаббатнинг тахминий ва тўлиқ бўлмаган таърифидир. Саволим: "Аллоҳ учун севган икки киши бир-бирларига қандай нарх тўлашлари керак?" Мен охират савобини назарда тутмаяпман. Буни сўраганим билан: "Аллоҳ учун севги ўртасида нима борлигини амалий далил" деб айтмоқчиман. Ошиқларми?ʼ Ахир, икки киши бир-бирини севиши мумкин, лекин уларнинг севгиси фақат мажозийдир, демак, ҳақиқий севги нима ва ҳақиқий севгининг исботи нима бўлиши мумкин?
|
Ҳозир бўлганлардан бири: "Ўзига нима тиласа, у биродарига ҳам шуни тилаш".
|
Шайх: "Бу ишқнинг фазилатидир ёки унинг баъзи хусусиятлари".
|
Ҳозир бўлганлардан бири: “Аллоҳ Таоло айтди: “Агар Аллоҳни севсангиз, менга эргашинглар, Аллоҳ ҳам сизларни яхши кўради...” (Оли Имрон: 31).
|
Шайх: "Бу бошқа саволга тўғри жавоб".
|
Ҳозир бўлганлардан бири: “Жавоб саҳиҳ ҳадисда бўлиши мумкин: “Учта (хислат) борки, кимда уларга эга бўлса, иймоннинг ширинлигини татиб кўради...” Ана ўшалар (иймоннинг ширинлигини тотганлар) Аллоҳ учун бир-бирини яхши кўрадиган икки кишидир”.
|
Шайх: "Аллоҳ учун ишқнинг меваси шу, у нима? Инсоннинг қалбида туйган ширинлиги".
|
Ҳозир бўлганлардан бири: “Аллоҳ Таоло: “Асрга қасамки, иймон келтирган, солиҳ амалларни қилган, бир-бирларига ҳақни тавсия қилган ва сабр-тоқатни тавсия қилганлардан бошқа одамлар зиён кўргувчилардир!” деди”.
|
Шайх: "Офарин! Мана шу жавобдир. Бунинг изоҳи қуйидагича: “Агар мен сени Аллоҳ учун чиндан севсам, сенга насиҳат қиламан (яхшиликка, сабр-тоқатга, солиҳликка чорлайман ва гуноҳ ишлардан қайтараман) сен ҳам менга ҳам шундай муносабатда бўласан. Шунинг учун Аллоҳнинг аломати учун зоҳир бўлган баъзилар орасида ихлос насиҳатлари жуда кам учрайди. севги, лекин бу тўлиқ эмас, чунки биз ҳар биримиз бошқа одамнинг ҳис-туйғуларини ҳисобга оламиз, ёки уни кетиб қолишидан қўрқамиз ... ва шунинг учун ҳар биримиз бир-биримиз билан самимий бўлишимиз керак. Шунинг учун ҳам, ишончли ривоятларда ривоят қилинганидек, саҳобаларнинг одатларидан бири, ажралиш чоғида бир-бирларига: “Асрга қасамки инсонлар зиёнда, магар иймон келтирганлар, солиҳ амаллар қилганлар, бир-бирларига ҳақни насиҳат қилганлар ва сабр-тоқатни тавсия қилганлардир!” ўқир эдилар.
|
ал-Ҳавий мин ал-Фатава Имом ал-Албоний, 165-166-бетлар.